ഖത്തർ ആഭ്യന്തര മന്ത്രാലയം മെട്രാഷ് ആപ്പിൽ (Metrash app) പുതിയൊരു ഫീച്ചർ അവതരിപ്പിച്ചു. 2026 ഏപ്രിൽ 22-ന് മന്ത്രാലയത്തിന്റെ ഔദ്യോഗിക ട്വിറ്റർ അക്കൗണ്ടിലൂടെയാണ് ഈ പുതിയ വിവരം പൊതുജനങ്ങളെ അറിയിച്ചത്. പുതിയ അപ്ഡേറ്റ് വഴി ഇനിമുതൽ നിങ്ങളുടെ കുടുംബാംഗങ്ങളുടെയും സുഹൃത്തുക്കളുടെയും വാഹനങ്ങളുടെ ട്രാഫിക് പിഴകൾ (Other Vehicle Violations) നിങ്ങൾക്ക് സ്വന്തം മെട്രാഷ് ആപ്പിലൂടെ അടയ്ക്കാൻ സാധിക്കും. ആപ്പിലെ ട്രാഫിക് സർവീസസ് - വയലേഷൻസ് (Traffic Services – Violations) എന്ന വിഭാഗത്തിലാണ് ഈ സേവനം എളുപ്പത്തിൽ ലഭ്യമാക്കിയിരിക്കുന്നത്.

ബന്ധുക്കളുടെയും സുഹൃത്തുക്കളുടെയും ട്രാഫിക് പിഴകൾ അടയ്ക്കുന്നതിനുള്ള ഘട്ടങ്ങൾ:

• മെട്രാഷ് ആപ്പിൽ ലോഗിൻ ചെയ്യുക.
• ഹോം പേജിൽ നിന്നും 'Traffic' സേവനങ്ങൾ തിരഞ്ഞെടുക്കുക.
• അതിൽ നിന്നും 'Violations' എന്നതിൽ ക്ലിക്ക് ചെയ്യുക.
• തുടർന്ന് 'Other Vehicle Violations' എന്നത് തിരഞ്ഞെടുക്കുക.
• നൽകിയിട്ടുള്ള ബോക്സിൽ വാഹനത്തിന്റെ നമ്പർ (പ്ലേറ്റ് നമ്പർ) കൃത്യമായി രേഖപ്പെടുത്തുക.
• ഇതിന് താഴെയായി വാഹന ഉടമയുടെ ഖത്തർ ഐഡി (QID) നമ്പർ നൽകുക.
• വിവരങ്ങൾ നൽകിയ ശേഷം മുന്നോട്ട് പോകാൻ 'Continue' അമർത്തുക.
• പിഴ അടയ്ക്കുന്നതിനായി 'Pay Violations Amount' എന്നത് തിരഞ്ഞെടുക്കുക.
• പണമടയ്ക്കാനുള്ള രീതി (Payment Method) തിരഞ്ഞെടുക്കുക.
• പണമടച്ചതിന് ശേഷം 'Done' ക്ലിക്ക് ചെയ്ത് ഇടപാട് പൂർത്തിയാക്കുക