ഖത്തറിലെ വിദ്യാഭ്യാസ, ഉന്നത വിദ്യാഭ്യാസ മന്ത്രാലയം 2026 വേനൽക്കാല അവധിയോടനുബന്ധിച്ച് വിദ്യാർത്ഥികൾക്കായി പ്രത്യേക 'സ്റ്റുഡന്റ് ആക്റ്റിവിറ്റി സെന്ററുകൾ' ആരംഭിക്കുന്നതായി പ്രഖ്യാപിച്ചു. 2026 ജൂലൈ 5 മുതൽ ഓഗസ്റ്റ് 3 വരെയാണ് ഈ സെന്ററുകൾ പ്രവർത്തിക്കുക. രാവിലെ 9 മണി മുതൽ ഉച്ചയ്ക്ക് 1 മണി വരെയായിരിക്കും പ്രവർത്തന സമയം.

6 മുതൽ 18 വയസ്സുവരെയുള്ള വിദ്യാർത്ഥികൾക്കാണ് ഇതിൽ പങ്കെടുക്കാൻ അവസരമുള്ളത്. സർക്കാർ സ്കൂൾ വിദ്യാർത്ഥികൾ, സ്വകാര്യ സ്കൂളുകളിൽ പഠിക്കുന്ന ഖത്തരി വിദ്യാർത്ഥികൾ, കൂടാതെ ഭിന്നശേഷിക്കാരായ വിദ്യാർത്ഥികൾ എന്നിവർക്ക് ഈ ക്യാമ്പുകളിൽ പങ്കെടുക്കാം. പങ്കെടുക്കാൻ താല്പര്യമുള്ളവർ "മആരിഫ്" (Ma'arif) പബ്ലിക് സർവീസസ് പോർട്ടൽ വഴിയാണ് രജിസ്റ്റർ ചെയ്യേണ്ടത്. രജിസ്ട്രേഷൻ ആരംഭിക്കുന്ന തീയതി മന്ത്രാലയം പിന്നീട് അറിയിക്കുന്നതാണ്.

ആക്റ്റിവിറ്റി സെന്ററുകൾ പ്രവർത്തിക്കുന്ന സ്കൂളുകളുടെ വിവരങ്ങൾ താഴെ നൽകുന്നു:

• പെൺകുട്ടികൾക്കായി: ആംന ബിൻത് വഹാബ് സെക്കൻഡറി സ്കൂൾ ഫോർ ഗേൾസ്, അൽ ഖോർ സെക്കൻഡറി സ്കൂൾ ഫോർ ഗേൾസ്.
• ആൺകുട്ടികൾക്കായി: ഖലീഫ സെക്കൻഡറി സ്കൂൾ ഫോർ ബോയ്സ്, അൽ വക്ര സെക്കൻഡറി സ്കൂൾ ഫോർ ബോയ്സ്.
• ഭിന്നശേഷിക്കാരായ വിദ്യാർത്ഥികൾക്കായി: അൽ ഹിദായ സ്കൂൾ ഫോർ സ്പെഷ്യൽ നീഡ്സ് - അൽ ഹിലാൽ (ആൺകുട്ടികൾക്ക്).