തവാർ മാളിൽ 'ഫ്രം അവർ ഹോംലാൻഡ്' (From Our Homeland) എന്ന പേരിൽ പ്രൊഡക്റ്റീവ് ഫാമിലീസ് മാർക്കറ്റ് എക്സിബിഷൻ ആരംഭിച്ചു. പാരമ്പര്യവും തനിമയും നിറഞ്ഞ ഓൾഡ് സൂഖ് ബസാറിലാണ് (Old Souq Bazaar) ഈ വേറിട്ട പ്രദർശനം നടക്കുന്നത്. തവാർ മാളിലെ രണ്ടാം നിലയിലുള്ള ഓൾഡ് സൂഖിലാണ് വേദി. 2026 ഫെബ്രുവരി 12 മുതൽ ഏപ്രിൽ 30 വരെ നീണ്ടുനിൽക്കുന്ന ഈ മേള, ദിവസവും രാവിലെ 10 മണി മുതൽ രാത്രി 10 മണി വരെ സന്ദർശകർക്കായി തുറന്നിരിക്കും.

തദ്ദേശീയമായ ഉൽപ്പന്നങ്ങൾ, കരകൗശല വസ്തുക്കൾ, ക്രിയേറ്റീവ് വർക്ക്‌ഷോപ്പുകൾ എന്നിവ മേളയുടെ ഭാഗമായി ഒരുക്കിയിട്ടുണ്ട്. പ്രവേശനം തികച്ചും സൗജന്യമാണ്. ഖത്തറിന്റെ പൈതൃകവും സാംസ്കാരിക തനിമയും അനുഭവിച്ചറിയാൻ ഏവരെയും സ്വാഗതം ചെയ്യുന്നതായി സംഘാടകർ അറിയിച്ചു.

പ്രധാന വിവരങ്ങൾ:പ്രധാന വിവരങ്ങൾ:

• വേദി: ഓൾഡ് സൂഖ് (രണ്ടാം നില), തവാർ മാൾ, ദോഹ.
• തീയതി: 2026 ഫെബ്രുവരി 12 മുതൽ ഏപ്രിൽ 30 വരെ.
• സമയം: രാവിലെ 10:00 മുതൽ രാത്രി 10:00 വരെ.
• ടിക്കറ്റ്: പ്രവേശനം സൗജന്യമാണ്.