ഹിജ്‌റ 1446 ലെ വിശുദ്ധ റമദാനിലെ അവസാന പത്ത് ദിവസങ്ങളിൽ ഇഅ്തികാഫ് ആചരിക്കുന്നതിനായി രാജ്യത്തുടനീളമുള്ള 205 പള്ളികൾ നിശ്ചയിച്ചിയിക്കപ്പെട്ടു. എൻഡോവ്‌മെന്റ് ആൻഡ് ഇസ്ലാമിക് അഫയേഴ്‌സ് മന്ത്രാലയമാണ് (ഔഖാഫ്) പള്ളികളുടെ പട്ടിക പുറത്തുവിട്ടത്.

ഭൂമിശാസ്ത്രപരമായ വിതരണം, സഭാ പദവി, വിശ്വാസികളെ ഉൾക്കൊള്ളാനുള്ള സൗകര്യങ്ങളുടെ സന്നദ്ധത എന്നിവ ഉൾപ്പെടെയുള്ള പ്രധാന മാനദണ്ഡങ്ങൾ അടിസ്ഥാനമാക്കിയാണ് പള്ളികൾ തിരഞ്ഞെടുത്തതെന്ന് മന്ത്രാലയം പറഞ്ഞു.

ഇഅ്തികാഫ് അനുഷ്ഠിക്കുന്ന വ്യക്തികൾക്ക് കുറഞ്ഞത് 18 വയസ്സ് പ്രായമുണ്ടായിരിക്കണമെന്ന് പ്രസ്താവനയിൽ പറയുന്നു. എന്നിരുന്നാലും, 18 വയസ്സിന് താഴെയുള്ള 8 വയസ്സിന് മേലെയുള്ളവർക്ക് ഒരു രക്ഷിതാവിനൊപ്പം പങ്കെടുക്കാം.

വ്യക്തിശുചിത്വം പാലിക്കേണ്ടതിന്റെയും നിയുക്ത ഇഅതികാഫ് മേഖലകളുടെ ശുചിത്വം ഉറപ്പാക്കേണ്ടതിന്റെയും പ്രാധാന്യം മന്ത്രാലയം അടിവരയിട്ടു. പള്ളിയിലെ പരിസരങ്ങൾ ബഹുമാനിക്കണമെന്നും, അങ്ങോട്ടുമിങ്ങോട്ടും സംസാരിക്കുന്നതുപോലെ മറ്റുള്ളവരെ ശല്യപ്പെടുത്തുന്ന പ്രവൃത്തികൾ ഒഴിവാക്കണമെന്നും മന്ത്രാലയം അഭ്യർത്ഥിച്ചു.

കൂടാതെ, പള്ളികളുടെ പവിത്രതയും ഭംഗിയും സംരക്ഷിക്കുന്നതിനായി ചുവരുകളിലോ തൂണുകളിലോ മറ്റ് പള്ളി ഘടനകളിലോ വസ്ത്രങ്ങൾ തൂക്കിയിടുന്നത് മന്ത്രാലയം നിരോധിച്ചു. പള്ളി ഭരണകൂടം നിശ്ചയിച്ചിട്ടുള്ള പ്രകാരം, ഉറങ്ങാനും ഭക്ഷണം കഴിക്കാനും നിയുക്ത സ്ഥലങ്ങൾ മാത്രമേ ഉപയോഗിക്കാവൂ എന്നും നിർദ്ദേശിച്ചു. കൂടാതെ, പള്ളികളിൽ സ്ത്രീകൾക്ക് ഇഅതികാഫ് അനുവദനീയമല്ലെന്നും പ്രസ്താവനയിൽ പറയുന്നു.