ആഡംബരവും പാരമ്പര്യവും കൂടിച്ചേർന്ന മനോഹരമായ രാജ്യം പോലെ തന്നെ ഗംഭീരമാണ് ഖത്തറിലെ പുതുവർഷം. ഖത്തറിലെ വിവിധ പുതുവത്സര പാർട്ടികൾ മുതൽ ലൈറ്റ് വർക്കുകൾ വരെ, ദോഹയിലെ പുതുവത്സരം കാണേണ്ട ഒന്ന് തന്നെയാണ്. ആഗോള വിനോദസഞ്ചാര കേന്ദ്രമായി ഖത്തർ വളർന്നുവരികയാണ്, രാജ്യത്തിൻ്റെ ഈ പരിവർത്തനത്തോടൊപ്പം പുതുവത്സരാഘോഷങ്ങളും കൈകോർത്തുകൊണ്ട് വളരുന്നു. ഖത്തറിൽ പുതുവർഷ രാവ് ആസ്വദിക്കാൻ കഴിയുന്ന ചില സ്ഥലങ്ങൾ നോക്കാം.

ദോഹ കോർണിഷ്

ദോഹ കോർണിഷ് കടലും നഗരവും അടുത്തിരിക്കുന്ന അതിമനോഹരമായ ഒരു സ്ഥലമാണ്. പുതുവത്സരാഘോഷങ്ങളുടെ പ്രധാന സ്ഥലമായി പുതുവർഷത്തിൻ്റെ തലേന്ന് കോർണിഷ് മാറും. 12 മാണി ആകുമ്പോൾ, ആകാശത്ത് അതിശയകരമായ വെടിക്കെട്ട് പ്രദർശനം ആസ്വദിക്കാനാകും. ദോഹയുടെ ആധുനിക സ്കൈലൈനും വെടിക്കെട്ടും കടലും ചേർന്ന് നിങ്ങൾക്ക് ഒരു വർഷം നീണ്ടുനിൽക്കുന്ന ഓർമ്മകൾ നൽകും.കോർണിഷ് ദോഹയിൽ കുടുംബത്തിനും കുട്ടികൾക്കുമൊപ്പം പുതുവർഷം ചെലവഴിക്കാൻ ആഗ്രഹിക്കുന്നവർക്ക് അനുയോജ്യമായ സ്ഥലമാക്കി മാറ്റുന്ന ഭക്ഷണ സ്റ്റാളുകളും ഉത്സവ അലങ്കാരങ്ങളും ഇവിടെയുണ്ട്.

കത്താറ കൾച്ചറൽ വില്ലേജ് (Katara Cultural Village)

വാസ്തുവിദ്യയ്ക്കും പാരമ്പര്യത്തിനും പേരുകേട്ട സ്ഥലമാണ് കത്താറ കൾച്ചറൽ വില്ലേജ്. പുതുവർഷത്തോടനുബന്ധിച്ച് കത്താറ സാംസ്കാരിക ഗ്രാമം കുടുംബ സൗഹാർദ്ദപരമായ ആഘോഷങ്ങൾ പ്രദാനം ചെയ്യുന്നു. തത്സമയ പ്രകടനങ്ങൾ, പരമ്പരാഗത സംഗീതം, കരകൗശല വിദഗ്ധരുടെ വിപണി എന്നിവ കത്താറയിലെ പുതുവർഷത്തെ സജീവമാക്കുന്നു. സംഗീതം ആസ്വദിക്കാനും പ്രാദേശിക കരകൗശല വസ്തുക്കൾ വാങ്ങാനുമുള്ള ഒരു സ്ഥലമാണ് നിങ്ങൾ തിരയുന്നതെങ്കിൽ, പുതുവർഷ രാവ് ചെലവഴിക്കാൻ പറ്റിയ സ്ഥലമാണിത്.

ബനാന ദ്വീപിലെ ലക്ഷ്വറി ബീച്ച് പാർട്ടികൾ

പവർ ഇൻ്റർനാഷണൽ ഹോൾഡിംഗ് നിർമ്മിച്ച ഖത്തറിലെ ഒരു ചെറിയ ദ്വീപാണ് ബനാന ദ്വീപ്. പുതുവർഷത്തോടനുബന്ധിച്ച് ബനാന ഐലൻഡ് റിസോർട്ട് ദോഹയിൽ ഗംഭീരമായ ബീച്ച് പാർട്ടികൾ സംഘടിപ്പിക്കുന്നു, അതിൽ ഗൗർമെറ്റ് ഡൈനിംഗ്, ലൈവ് മ്യൂസിക്, ഫയർ ഡാൻസർമാർ പോലെയുള്ള വിനോദം എന്നിവ ഉൾപ്പെടുന്നു. ഒരു ആഡംബര അന്തരീക്ഷവും പാർട്ടിയും ആഗ്രഹിക്കുന്ന ദമ്പതികൾക്കും സുഹൃത്തുക്കൾക്കും ലൊക്കേഷൻ അനുയോജ്യമാണ്.

ഡെസേർട്ട് സഫാരി

സാഹസികമായ പുതുവത്സരാഘോഷം ആഗ്രഹിക്കുന്നവർക്ക് ഡെസേർട്ട് സഫാരി അനുയോജ്യമായ ഒരു ചോയ്‌സാണ്. വൈകുന്നേരം, ഫാൽക്കൺറി, മൈലാഞ്ചി പെയിൻ്റിംഗ്, ഒട്ടക സവാരി തുടങ്ങിയ ബെഡൂയിൻ ആക്ടിവിറ്റികൾക്കൊപ്പം ഗോൾഡൻ മൺകൂനകളിലൂടെയുള്ള ആവേശകരമായ ഡ്രൈവിന് പോകാം. രാത്രിയിൽ നിങ്ങൾക്ക് മരുഭൂമിയിലെ ക്യാമ്പിൽ സായാഹ്നം ആസ്വദിക്കാം, ഒപ്പം തത്സമയ സംഗീതം, ബോൺഫയർ, ഒരു ബാർബിക്യൂ ഡിന്നർ എന്നിവയും ആസ്വദിക്കാം.

സുഖ് വാഖിഫ്

ഇവിടുത്തെ അന്തരീക്ഷമാണ് ഇവിടം വ്യത്യസ്തമാക്കുന്നത്. ചരിത്രപരമായ മാർക്കറ്റായ സൂക്ക് വാഖിഫ് മനോഹരമായ അലങ്കാരങ്ങളോടെ ഒരു ഉത്സവ അന്തരീക്ഷത്തിലേക്ക് മാറുന്നു. ഈ വേദിയിൽ നിങ്ങൾക്ക് സ്ട്രീറ്റ് പെർഫോമെൻസുകൾ, തത്സമയ സംഗീതം, വൈവിധ്യമാർന്ന ഭക്ഷണ ഓപ്ഷനുകൾ എന്നിവയും ആസ്വദിക്കാം. കൗണ്ട്‌ ഡൌൺ തടുങ്ങിയാൽ മുഴുവൻ വിപണിയും സജീവമാകുകയും ന്യൂ ഇയർ അവിസ്മരണീയ നിമിഷമാക്കുകയും ചെയ്യുന്നു.