ഭൂമിശാസ്ത്രപരമായ സ്ഥാനം, സമ്പന്നമായ സാംസ്കാരിക പൈതൃകം, ലോകോത്തര ഹോസ്പിറ്റാലിറ്റി ഇൻഫ്രാസ്ട്രക്ചർ എന്നിവയാൽ ഖത്തറിന് ഒരു കേന്ദ്ര ട്രാവൽ ആൻഡ് ടൂറിസം ഹബ്ബായി മാറാനുള്ള കഴിവുണ്ട്. ഇതുപയോഗപ്പെടുത്താനും അറേബ്യൻ രാജ്യങ്ങളിലേക്കുള്ള കവാടമായി ഖത്തറിനെ സ്ഥാപിക്കാനുമാണ് ഖത്തർ ട്രാവൽ മാർട്ട് പോലുള്ള ഇവന്റുകൾ ലക്ഷ്യമിടുന്നത്.
വ്യവസായ പങ്കാളികളെ ഒരുമിച്ച് കൊണ്ടുവരുന്നതിനും അർത്ഥവത്തായ ബന്ധങ്ങൾ രൂപപ്പെടുത്തുന്നതിനും ടൂറിസം മേഖലയിലെ വളർച്ചയെ ഉത്തേജിപ്പിക്കുന്നതിനുമുള്ള സുപ്രധാന പ്ലാറ്റ്‌ഫോമുകളായി മാറാനും ഖത്തർ ട്രാവൽ മാർട്ട് പോലുള്ള ഇവൻ്റുകൾ പ്രവർത്തിക്കുന്നു. ഖത്തർ നൽകുന്ന വൈവിധ്യമാർന്ന ഓഫറുകൾ ആസ്വദിക്കാൻ മാത്രമല്ല. മറിച്ച് വിനോദത്തിനുള്ള ലോകത്തിലെ ഏറ്റവും മികച്ച ലക്ഷ്യസ്ഥാനമായി മാറ്റാനുള്ള ശ്രമത്തിന്റെ കൂടി ഭാഗമാണ് ട്രാവൽ മാർട്ട്
സ്‌പോർട്‌സ്, MICE (മീറ്റിംഗുകൾ, പ്രോത്സാഹനങ്ങൾ, കോൺഫറൻസുകൾ, എക്‌സിബിഷനുകൾ), ബിസിനസ്സ്, കൾച്ചറൽ, ലക്ഷ്വറി, മെഡിക്കൽ, ടൂറിസം എന്നിവയുൾപ്പെടെ വിവിധ മേഖലകളിലെ ഏറ്റവും പുതിയ ട്രെൻഡുകളെക്കുറിച്ചെല്ലാം പങ്കെടുക്കുന്നവർ ചർച്ച ചെയ്യും. കൂടാതെ ഖത്തറിന്റെ മാത്രം പ്രത്യേകതകളും ഗുണങ്ങളും കണ്ടത്താനും ഉപയോക്താക്കൾക്കും സന്ദർശകർക്കുമായി ലോകോത്തര വിപണി കേന്ദ്രമായി മാറാനും ഈ ഇവന്റ് സഹായിക്കുന്നു.
ഡെസ്റ്റിനേഷൻ മാനേജ്‌മെൻ്റ് കമ്പനികൾ (ഡിഎംസി), ഹോട്ടലുകൾ, ടൂർ, ക്രൂയിസ് ഓപ്പറേറ്റർമാർ, ട്രാവൽ ഏജൻസികൾ, ട്രാവൽ ടെക്‌നോളജി സ്ഥാപനങ്ങൾ, ടൂറിസം ബോർഡുകൾ എന്നിവയുൾപ്പെടെയുള്ള വൈവിധ്യമാർന്ന സ്ഥാപനങ്ങളുടെ ഒത്തുചേരൽ സഹകരണത്തിനായുള്ള ഒരു സമഗ്ര ആവാസവ്യവസ്ഥ സൃഷ്ടിക്കുകയും ചെയ്യുന്നു.
