പൊതുജനങ്ങൾക്കായുള്ള ഫിഫ ഇന്റർകോണ്ടിനെന്റൽ ടൂർണമെന്റിന്റെ ടിക്കറ്റ് വിൽപ്പന ആരംഭിച്ചു. ഫിഫ ഇന്റർകോണ്ടിനെന്റൽ കപ്പ് ഖത്തർ 2024ന്റെ ലോക്കൽ ഓർഗനൈസിംഗ് കമ്മറ്റി (LOC) വ്യാഴാഴ്ച, നവംബർ 21-ന് ദോഹ സമയം 3 മണി മുതൽ പൊതുജനങ്ങൾക്ക് ടിക്കറ്റ് വിൽപ്പന ആരംഭിച്ചതായി സ്ഥിരീകരിച്ചു. ഔദ്യോഗിക ടൂർണമെന്റ് വെബ്സൈറ്റ് http://fic24.qa മുഖേന ടിക്കറ്റ് ലഭ്യമാകും.
എല്ലാ കാർഡ് ഉടമകൾക്കും ടിക്കറ്റ് ബുക്ക് ചെയ്യാം. മുൻ ആഴ്ചകളിൽ വിസ കാർഡ് ഉടമകൾക്കായി നടന്ന പ്രീ-സെയിൽ വിൽപ്പന വലിയ ആവശ്യകതയോടെയാണ് അവസാനിച്ചത്. എജിപ്ത്, ഖത്തർ, സൗദി അറേബ്യ, ജോർദാൻ തുടങ്ങിയ രാജ്യങ്ങളിൽ നിന്നുള്ളവരാണ് പ്രധാനമായും ടിക്കറ്റുകൾ വാങ്ങിയത്.
ടൂർണമെന്റിന്റെ വിശദാംശങ്ങൾ:
ഡിസംബർ 11 മുതൽ 18 വരെ ഖത്തറിലാണ് ടൂർണമെന്റ് സംഘടിപ്പിക്കുന്നത്.
സ്റ്റേഡിയം 974 രണ്ടു മത്സരങ്ങൾക്കും,
ലുസൈൽ സ്റ്റേഡിയം ഫൈനൽ മത്സരത്തിനും വേദിയാകും.
ടിക്കറ്റ് നിരക്കുകൾ:
FIFA Derby of the Americas Qatar 2024 and FIFA Challenger Cup Qatar 2024 (സ്റ്റേഡിയം 974)
കാറ്റഗറി 1: 150 QAR
കാറ്റഗറി 2: 70 QAR
കാറ്റഗറി 3 & ആക്സസിബിലിറ്റി: 40 QAR
FIFA Intercontinental Cup Final (ലുസൈൽ സ്റ്റേഡിയം)
കാറ്റഗറി 1: 1000 QAR
കാറ്റഗറി 2: 600 QAR
കാറ്റഗറി 3 & ആക്സസിബിലിറ്റി: 200 QAR
ഓരോ വ്യക്തിക്കും പരമാവധി 6 ടിക്കറ്റുകൾ വരെ ബുക്ക് ചെയ്യാൻ അനുവാദമുണ്ട്.
