ഖത്തർ തീരങ്ങളിൽ ശക്തമായ കാറ്റിനും ഉയർന്ന തിരമാലകൾക്കും സാധ്യതയുള്ളതിനാൽ ഖത്തർ കാലാവസ്ഥാ വകുപ്പ് (Qatar Meteorology Department) സമുദ്ര മുന്നറിയിപ്പ് പുറപ്പെടുവിച്ചു. 2026 മെയ് 20 മുതൽ ഈ വാരാന്ത്യം വരെയാണ് മുന്നറിയിപ്പ് ബാധകമായിരിക്കുക.

ഈ ദിവസങ്ങളിൽ കടലിൽ 3 മുതൽ 6 അടി വരെ ഉയരത്തിൽ തിരമാലകൾ ഉണ്ടാകാൻ സാധ്യതയുണ്ട്. ചില സമയങ്ങളിൽ ഇത് 9 അടി വരെ ഉയർന്നേക്കാം. അപകടസാധ്യത ഉള്ളതിനാൽ, ഈ കാലയളവിൽ കടൽയാത്രകളും വിനോദങ്ങളും ഉൾപ്പെടെയുള്ള എല്ലാവിധ സമുദ്ര പ്രവർത്തനങ്ങളും പൂർണ്ണമായും ഒഴിവാക്കണമെന്ന് അധികൃതർ ജനങ്ങളോട് നിർദേശിച്ചിട്ടുണ്ട്.