ഹമദ് അന്താരാഷ്ട്ര വിമാനത്താവളത്തിൽ (HIA) നിന്നുള്ള അന്താരാഷ്ട്ര വിമാന സർവീസുകൾ പുനരാരംഭിക്കുന്നതിന്റെ പുതിയ ഷെഡ്യൂൾ അധികൃതർ പ്രസിദ്ധീകരിച്ചു. 2026 ഏപ്രിൽ 29-ന് പുറത്തിറക്കിയ ഏറ്റവും പുതിയ അറിയിപ്പ് പ്രകാരം എയർ ഇന്ത്യ, എയർ ഇന്ത്യ എക്സ്പ്രസ്സ്, ശ്രീലങ്കൻ എയർലൈൻസ് എന്നീ വിമാന കമ്പനികൾ കൂടി സർവീസ് പുനരാരംഭിക്കുന്നവയുടെ പട്ടികയിൽ പുതുതായി ഇടംപിടിച്ചിട്ടുണ്ട്.
ടിക്കറ്റ് ബുക്കിംഗിനും വിമാന സമയക്രമങ്ങളെക്കുറിച്ചുള്ള കൂടുതൽ വിവരങ്ങൾക്കുമായി യാത്രക്കാർ അതത് എയർലൈനുകളുമായി നേരിട്ട് ബന്ധപ്പെടണമെന്ന് വിമാനത്താവള അധികൃതർ നിർദ്ദേശിച്ചു. ബന്ധപ്പെട്ട വകുപ്പുകളുടെ നിർദ്ദേശങ്ങൾക്കും എയർലൈനുകളുമായുള്ള ഏകോപനത്തിനും വിധേയമായാണ് സർവീസുകൾ നടക്കുന്നത്. അതിനാൽ അപ്രതീക്ഷിത സാഹചര്യങ്ങളാൽ വിമാന ഷെഡ്യൂളുകളിൽ മാറ്റം വരാനോ റദ്ദാക്കപ്പെടാനോ സാധ്യതയുണ്ടെന്നും അറിയിപ്പിൽ വ്യക്തമാക്കിയിട്ടുണ്ട്.
