അറ്റകുറ്റപ്പണികളുടെ ഭാഗമായി മെസൈമീർ ഇന്റർചേഞ്ച് ടണൽ താൽക്കാലികമായി അടച്ചിടുമെന്ന് ഖത്തർ പൊതുമരാമത്ത് അതോറിറ്റിയായ അഷ്ഗാൽ അറിയിച്ചു. ജനറൽ ഡയറക്ടറേറ്റ് ഓഫ് ട്രാഫിക്കുമായി സഹകരിച്ചാണ് ഗതാഗത നിയന്ത്രണം ഏർപ്പെടുത്തിയിരിക്കുന്നത്. മെസൈയീദ് റോഡിൽ നിന്ന് റൗദത്ത് അൽ ഖൈൽ സ്ട്രീറ്റിലേക്കുള്ള ഭാഗത്താണ് ഗതാഗത തടസ്സം ഉണ്ടാകുക.

ഗതാഗത നിയന്ത്രണം ഏർപ്പെടുത്തിയിരിക്കുന്ന സമയക്രമം:

• ഏപ്രിൽ 17 (വെള്ളിയാഴ്ച): പുലർച്ചെ 2:00 മുതൽ രാവിലെ 10:00 വരെ.
• ഏപ്രിൽ 18 (ശനിയാഴ്ച): പുലർച്ചെ 2:00 മുതൽ രാവിലെ 7:00 വരെ.

അടിയന്തര അറ്റകുറ്റപ്പണികൾ വേഗത്തിൽ പൂർത്തിയാക്കുന്നതിന്റെ ഭാഗമായാണ് ഈ നടപടി. ഈ സമയങ്ങളിൽ മെസൈയീദ് റോഡിൽ നിന്ന് റൗദത്ത് അൽ ഖൈൽ സ്ട്രീറ്റിലേക്ക് പോകേണ്ട യാത്രക്കാർ തടസ്സങ്ങൾ ഒഴിവാക്കുന്നതിനായി മറ്റ് ബദൽ റോഡുകൾ ഉപയോഗിക്കണമെന്ന് അഷ്ഗാൽ പ്രത്യേകം അഭ്യർത്ഥിച്ചു.