സമ്പന്നമായ ചരിത്രവും ആധുനികതയും ഒരുമിക്കുന്ന ഒരു ചെറിയ മിഡിൽ ഈസ്റ്റേൺ രാജ്യമാണ് ഖത്തർ. നാനാ രാജ്യങ്ങളിൽ നിന്ന് കുടിയേറി പാർക്കുന്ന നിരവധി പേർ ഖത്തറിലുള്ളതിനാൽ വൈവിധ്യമാർന്ന രുചികളും അവിടെ ലഭ്യമാണ്. ഖത്തറിന്റെ തലസ്ഥാനമായ ദോഹയിൽ വ്യത്യസ്തവും വൈവിധ്യവുമായ രുചികൾ ലഭിക്കുന്ന നിരവധി റസ്റ്റോറന്റുകൾ ഉണ്ട്. ചില റസ്റ്റോറന്റുകൾ പരിചയപ്പെടാം.
നെഡ് ഹോട്ടൽ
ദോഹയിൽ താമസിക്കാൻ നല്ലൊരിടം തിരയുന്നവർക്ക് മികച്ച സ്ഥലമാണ് ദി നെഡ് ഹോട്ടൽ. നഗരത്തിന്റെ ഹൃദയഭാഗത്ത് സ്ഥിതി ചെയ്യുന്ന ഈ ഹോട്ടലിൽ വിവിധ ആഡംബര മുറികളും സ്യൂട്ടുകളും റസ്റ്റോറന്റുകളും ബാറുകളും ഉണ്ട്. മെസെ പ്ലാറ്റർ, തരീദ്, ബലാലീത് എന്നീ ഹദീഖയുടെ വിഭവങ്ങൾ നെഡ് ഹോട്ടലിൽ ലഭ്യമാണ്. ബ്രേക്ക്‌ഫാസ്റ്റ് മുതൽ ഡിന്നർ വരെയുള്ള വിവിധ വിഭവങ്ങളും ഇവിടെ ലഭ്യമാണ്.
B12 ബീച്ച് ക്ലബ്
അറേബ്യൻ ഗൾഫ് തീരത്ത് സ്ഥിതിചെയ്യുന്ന B12 ബീച്ച് ക്ലബ്ബിൽ പുതിയ കടൽവിഭവങ്ങൾ, ബർഗറുകൾ, സാലഡുകൾ തുടങ്ങി നിരവധി വിഭവങ്ങൾ ലഭ്യമാണ്. ഇവിടുത്തെ പിസ്സകൾ വളരെ രുചികരമാണ്.
ഡമാസ്ക വൺ
ദോഹയിലെ മറ്റൊരു പ്രശസ്ത സിറിയൻ റെസ്റ്റോറന്റാണ് ഡമാസ്ക വൺ. സുഖ് വാഖിഫ് മാർക്കറ്റിന്റെ അകത്താണ് ഇത് സ്ഥിതി ചെയ്യുന്നത്. ഷവർമ, ഫലാഫൽ, ഹമ്മസ്, ഗ്രില്ല് ചെയ്ത മാംസ വിഭവങ്ങൾ, കടൽ ഭക്ഷണങ്ങൾ എന്നിങ്ങനെയുള്ള രുചികൾ ഇവിടെ ലഭ്യമാണ്. മെനുവിലെ ഏറ്റവും ശ്രദ്ധേയമായ വിഭവം മുഹമ്മരയാണ്.
നൗവ റെസ്റ്റോറന്റ്
ഒരു ഫൈൻ ഡൈനിംഗ് അനുഭവം നോക്കുകയാണെങ്കിൽ ഖത്തർ ഒളിമ്പിക് ആൻഡ് സ്പോർട്സ് മ്യൂസിയത്തിലുള്ള നൗവ റെസ്റ്റോറന്റിലേക്ക് പോവാം. മിഷേലിൻ സ്റ്റാർ ഷെഫ് ടോം ഐകെൻസ് രൂപകൽപ്പന ചെയ്ത മെനുവിൽ സീസണൽ ചേരുവകൾ ഉപയോഗിച്ച് തയ്യാറാക്കുന്ന പരമ്പരാഗത മിഡിൽ ഈസ്റ്റേൺ രുചികൾ അടങ്ങിയ നിരവധി വിഭവങ്ങൾ ഉണ്ട്. സ്പിനാച്ചും ഫെറ്റയും ചേർന്ന പായസം, സുഷി റാപ്പുകൾ എന്നിവ മെനുവിൽ പ്രാധാന്യമുള്ളതാണ്. കരിനല്ലിക്കയുള്ള ബെറ്റ്റൂട്ട് സോർബെയും ഇവിടുത്തെ ഒരു പ്രത്യേകതയാണ്.
ഇഡാം
ദോഹയിലെ മറ്റൊരു മികച്ച ഫൈൻ ഡൈനിംഗ് ഇടം. ഇത് ഐക്കോണിക് മുസിയം ഓഫ് ഇസ്‌ലാമിക് ആർട്ടിന്റെ മുകളിൽ സ്ഥിതിചെയ്യുന്നു. പ്രശസ്ത ഫ്രഞ്ച് ഷെഫ് അലെയ്ൻ ഡുകസ്സാണ് ഈ റെസ്റ്റോറന്റ് നയിക്കുന്നത്. ഇവിടുത്തെ വിഭവങ്ങൾ വളരെ ആധികാരികമായ രീതിയിൽ മെനുവിൽ അവതരിപ്പിക്കുന്നു. 6 കോഴ്സ് ലഞ്ച് മെനു വളരെ വ്യത്യസ്തമാണ്.
കാർബോൺ
ന്യൂയോർക്ക്-സ്റ്റൈൽ ഇറ്റാലിയൻ ഭക്ഷണങ്ങൾക്കായി കാർബോൺ തെരഞ്ഞെടുക്കാം. ലുസൈൽ വിന്റർ വണ്ടർലാൻഡിനു മുന്നിൽ, അൽ മഹാ ദ്വീപിലാണുള്ള കാർബോൺ റെസ്റ്റോറന്റ് ഉള്ളത്. സ്പാഗറ്റി, ലസാനിയ, മീറ്റ് ബോൾസ്, വീൽ പാർമെസൻ, ലൊബ്സ്റ്റർ ഫ്ര ഡിയാവോല തുടങ്ങിയ ക്ലാസിക് ഇറ്റാലിയൻ വിഭവങ്ങളും വിവിധ വൈനുകളും ഇവിടെ ലഭ്യമാണ്.
