അൽ വക്ര ഓൾഡ് സൂഖ് ഇന്റർസെക്ഷനിൽ (Al Wakrah Old Souq Intersection) ചൊവ്വാഴ്ച രാത്രി ഭാഗികമായി ഗതാഗത നിയന്ത്രണം ഏർപ്പെടുത്തുമെന്ന് ഖത്തർ പൊതുമരാമത്ത് അതോറിറ്റി (അഷ്ഗാൽ) അറിയിച്ചു. അൽ ജബൽ സ്ട്രീറ്റിലെ റോഡ് ടാറിംഗ് ജോലികൾക്കായാണ് ഈ നിയന്ത്രണം.

• സമയം: 2026 ഫെബ്രുവരി 10, ചൊവ്വാഴ്ച അർദ്ധരാത്രി 12 മണി മുതൽ പുലർച്ചെ 5 മണി വരെ.
• സ്ഥലം: അൽ വക്ര ഓൾഡ് സൂഖ് ഇന്റർസെക്ഷൻ (അൽ ജബൽ സ്ട്രീറ്റ്).

ഈ സമയത്ത് ദോഹ, അൽ വക്ര, അൽ ജബൽ സ്ട്രീറ്റ് എന്നിവിടങ്ങളിൽ നിന്ന് വരുന്ന വാഹനങ്ങൾ അൽ വക്ര ഇന്റർസെക്ഷനിലേക്ക് പോകുന്നതിന് പകരം മാപ്പിൽ കാണിച്ചിരിക്കുന്ന ബദൽ വഴികൾ ഉപയോഗിക്കണമെന്ന് അധികൃതർ അഭ്യർത്ഥിച്ചു. മറ്റ് ദിശകളിലേക്കുള്ള ഗതാഗതം സാധാരണ പോലെ തുടരുമെന്നും അഷ്ഗാൽ അറിയിച്ചു.