ഖത്തറിലെ ആകാശത്ത് ഇന്ന് (2026 ജനുവരി 28) മുതൽ 'അൽ ബൽദ' (Al Baldah) നക്ഷത്രം ദൃശ്യമാകും. ശൈത്യകാലത്തെ 'ഷബാത്ത്' (Shabat) സീസണിന്റെ അവസാന ഘട്ടമാണിതെന്ന് ഖത്തർ കാലാവസ്ഥാ വകുപ്പ് അറിയിച്ചു. ശൈത്യകാലത്തിന്റെ രണ്ടാം ഘട്ടമാണ് ഷബാത്ത്. ഇതിൽ അൽ നയീം, അൽ ബൽദ എന്നിങ്ങനെ രണ്ട് ഭാഗങ്ങളുണ്ട്. ഓരോന്നും 13 ദിവസം വീതം നീണ്ടുനിൽക്കും.
അടുത്ത 13 ദിവസങ്ങളിൽ ഈ നക്ഷത്രത്തിന്റെ സ്വാധീനം ഉണ്ടാകും. ഈ സമയത്ത് തണുപ്പ് തുടരുമെങ്കിലും അവസാന ദിവസങ്ങളോടെ തണുപ്പിന്റെ കാഠിന്യം കുറയാൻ സാധ്യതയുണ്ട്. കാറ്റ് തെക്ക് ദിശയിലേക്ക് മാറാനും ഇടക്കിടെ മഴമേഘങ്ങൾ രൂപപ്പെടാനും സാധ്യതയുണ്ടെന്നും അധികൃതർ വ്യക്തമാക്കി.
