സഫാരി ഗ്രൂപ്പ് "1980: എ സതേൺ നൊസ്റ്റാൾജിയ - ട്രാവൻകൂർ ഫുഡ് ഫെസ്റ്റിവൽ" എന്ന പേരിൽ എല്ലാ ഔട്ട്‌ലെറ്റുകളിലും ഫുഡ് ഫെസ്റ്റിവൽ ആരംഭിച്ചു. 1980-കളിലെ മനോഹാരിത പുനഃസൃഷ്ടിച്ചുകൊണ്ട്ള്ള തീം അലങ്കാരങ്ങളും റെട്രോ വസ്ത്രങ്ങളണിഞ്ഞ ജീവനക്കാരും ഫെസ്റ്റിവലിന്റെ ഭാഗമാണ്. അബു ഹമൂറിലെ സഫാരി മാളിൽ ഗ്രൂപ്പ് ചെയർമാൻ ഹമദ് ദാഫർ അൽ അഹ്ബാബിയും ഡെപ്യൂട്ടി ചെയർമാനും മാനേജിംഗ് ഡയറക്ടറുമായ സൈനുൽ ആബിദീനും മറ്റ് ഉദ്യോഗസ്ഥരും ചേർന്നാണ് പ്രമോഷൻ ഉദ്ഘാടനം ചെയ്തത്.
ചിക്കൻ ഫ്രൈ, അങ്ങാടി കിഴി, കണവ ഫ്രൈ, മട്ടൺ കറി, വിഴിഞ്ഞം ചിക്കൻ ഫ്രൈ, തെക്കൻ ശൈലിയിലുള്ള ചിക്കൻ ബിരിയാണി, കിള്ളിപ്പാലം ചിക്കൻ ഫ്രൈ, ചിക്കൻ ലിവർ റോസ്റ്റ്, ഗ്രിൽഡ് ഫിഷ് എന്നിവയുൾപ്പെടെയുള്ള പരമ്പരാഗത വിഭവങ്ങളുടെ ഒരു ശേഖരം ഫെസ്റ്റിവലിൽ ഉൾപ്പെടുന്നു. കൂടാതെ, കണവ കപ്പ, പൊറോട്ട ബീഫ് കറി തുടങ്ങിയ നൊസ്റ്റാൾജിക് കോമ്പോകളും ഫെസ്റ്റിവലിൽ ലഭിക്കും. യുവതലമുറയെ പഴയകാല രുചികളുമായി ബന്ധിപ്പിക്കുന്നതിനായി രൂപകൽപ്പന ചെയ്‌തിരിക്കുന്ന ഫെസ്റ്റിവൽ പഴയ തലമുറകൾക്ക് പ്രിയപ്പെട്ട ഓർമ്മകൾ ഉണർത്തുന്നു.
ഉത്സവത്തോടൊപ്പം, സഫാരി രണ്ട് മെഗാ റാഫിളുകളും സംഘടിപ്പിച്ചിട്ടുണ്ട്. ആദ്യത്തേതിൽ ക്യാഷ് റിവാർഡുകൾ, വീട്ടുപകരണങ്ങൾ, ഗാഡ്‌ജെറ്റുകൾ, ടിവികൾ, വൗച്ചറുകൾ എന്നിവയുൾപ്പെടെ 200,000 റിയാലിന്റെ സമ്മാനങ്ങൾ വാഗ്ദാനം ചെയ്യുന്നു. ഒക്ടോബർ 7 ന് സഫാരി മാളിൽ വെച്ചാണ് നറുക്കെടുപ്പ് നടക്കുക. രണ്ടാമത്തെ നറുക്കെടുപ്പിൽ ഉപഭോക്താക്കൾക്ക് 25 ടൊയോട്ട റൈസ് കാറുകൾ നേടാനുള്ള അവസരം ലഭിക്കും, ഓരോ 50 റിയാലിന്റെ ഷോപ്പിങ്ങിനും കൂപ്പൺ എൻട്രി ലഭിക്കും.
