ഖത്തർ കലണ്ടർ 2025 സെപ്റ്റംബറിൽ നടക്കാനിരിക്കുന്ന പരിപാടികൾ പ്രഖ്യാപിച്ചു, രാജ്യത്തുടനീളം വൈവിധ്യമാർന്ന സാംസ്കാരിക, കലാ, കമ്മ്യൂണിറ്റി പരിപാടികൾ സെപ്റ്റംബറിൽ നടക്കും. പ്രദർശനങ്ങൾ, സംഗീതകച്ചേരികൾ, വർക്ക്ഷോപ്പുകൾ, ഫോറങ്ങൾ, കായിക പ്രവർത്തനങ്ങൾ എന്നിവ ഷെഡ്യൂളിൽ ഉൾപ്പെടുന്നു.

പ്രദർശനങ്ങൾ

മ്യൂസിയം ഓഫ് ഇസ്ലാമിക് ആർട്ടിൽ, സന്ദർശകർക്ക് റീൽമസ്‌ ഓഫ് മെക്കാ (ഡിസംബർ 30 വരെ), എ സീറ്റ് അറ്റ് ദി ടേബിൾ: ഇസ്ലാമിക ഭക്ഷണവും വിരുന്നും (നവംബർ 8 വരെ), സംവേദനാത്മക എസ്‌കേപ്പ് റൂം: ദി ബാങ്ക്വെറ്റ് ഓഫ് സീക്രട്ട്‌സ് (ഡിസംബർ 20 വരെ) എന്നിവ ആസ്വദിക്കാം. കൂടാതെ വനിതാ ഫാഷൻ അവതരിപ്പിക്കുന്ന റൗദ അൽ മാൽക്കി എക്സിബിഷൻ ഓഗസ്റ്റ് 29 മുതൽ സെപ്റ്റംബർ 3 വരെ ഖത്തർ നാഷണൽ കൺവെൻഷൻ സെന്ററിൽ (ക്യുഎൻസിസി) നടക്കും.

സംഗീത പരിപാടികൾ

ക്യുഎൻസിസിയിൽ ഖത്തർ ഫിൽഹാർമോണിക് ഓർക്കസ്ട്രയുടെ സീസൺ ആരംഭിക്കുന്നത് ആൻ ഈവനിംഗ് ഓഫ് ഷുമാൻ (സെപ്റ്റംബർ 4), സ്പാനിഷ് ഇംപ്രഷൻസ് (സെപ്റ്റംബർ 11), എ മ്യൂസിക്കൽ എൻകൗണ്ടർ: സൗണ്ട്സ് ഓഫ് ഖത്തർ ആൻഡ് അർജന്റീന (സെപ്റ്റംബർ 14) എന്നിവയോടെയാണ്. സെപ്റ്റംബർ 27 ന്, ഫോർ സീസൺസ് ഹോട്ടൽ ദോഹയിൽ നടക്കുന്ന കാൻഡിൽലൈറ്റ് കൺസേർട്ടുകളിൽ 'ദി ബെസ്റ്റ് ഓഫ് ഹാൻസ് സിമ്മർ', 'കോൾഡ്‌പ്ലേ vs. എഡ് ഷീരൻ' എന്നിവ അവതരിപ്പിക്കും.

വർക്ക്‌ഷോപ്പുകളും ഫോറങ്ങളും

മത്താഫ്: അറബ് മ്യൂസിയം ഓഫ് മോഡേൺ ആർട്ട് സെപ്റ്റംബർ 3, 6, 13 തീയതികളിൽ ക്രിയേറ്റീവ് വർക്ക്‌ഷോപ്പുകൾ നടത്തും. അതേസമയം, ഹദബ 25: പബ്ലിക് നറേറ്റീവ് ആൻഡ് ഡാറ്റ സ്റ്റോറിടെല്ലിംഗ് സെപ്റ്റംബർ 28–29 തീയതികളിൽ എഡ്യൂക്കേഷൻ സിറ്റിയിൽ നടക്കും.