സെക്രീത് സ്ട്രീറ്റിന്റെ ഒരു ഭാഗത്ത് താൽക്കാലികമായി റോഡ് അടച്ചിടുമെന്ന് പൊതുമരാമത്ത് അതോറിറ്റിയായ അഷ്ഗാൽ. ജെറി ബു അവ്‌സെജ സ്ട്രീറ്റുമായുള്ള കവലയിൽ നിന്ന് ഇസ്ഗാവ സ്ട്രീറ്റ് വരെയുള്ള ഒരു ദിശയിലാണ് അടച്ചിടൽ.

അവസാന അസ്ഫാൽറ്റ് ജോലികൾ പൂർത്തിയാക്കുന്നതിന് 2025 മെയ് 9 വെള്ളിയാഴ്ച അർദ്ധരാത്രി 12 മുതൽ രാവിലെ 10 വരെയായിരിക്കും അടച്ചിടുക.

അടച്ചിടുന്ന സമയത്ത്, ഡ്രൈവർമാർ ജെറി ബു അവ്‌സെജ സ്ട്രീറ്റിലേക്ക് വലത്തേക്ക് തിരിഞ്ഞ് ഇസ്ഗാവ സ്ട്രീറ്റ്, ഗരാഫത്ത് അൽ റയ്യാൻ സ്ട്രീറ്റ്, ജാസിം ബിൻ താനി ബിൻ ജാസിം അൽ താനി സ്ട്രീറ്റ് എന്നിവ ഉപയോഗിച്ച് ലക്ഷ്യസ്ഥാനങ്ങളിൽ എത്തിച്ചേരാൻ നിർദേശിക്കുന്നു.