ഈദുൽ ഫിത്തറിന്റെ സന്തോഷകരമായ അവസരം വന്നെത്തി കഴിഞ്ഞു. കുടുംബങ്ങൾക്കും സമൂഹങ്ങൾക്കുമായി വൈവിധ്യമാർന്ന രസകരവും ആവേശകരവുമായ നിരവധി പരിപാടികൾ ഖത്തറിൽ ഈ കാലയളവിൽ നടക്കും. ഈ അവസരം പരമാവധി പ്രയോജനപ്പെടുത്താൻ നിങ്ങളെ സഹായിക്കുന്നതിന്, നടക്കാൻ പോകുന്ന ചില മുഖ്യ പരിപാടികൾ ഏതെല്ലാമെന്ന് നോക്കാം.
TUL8TE ഖത്തറിൽ തത്സമയം
- സ്ഥലം: ദോഹ ഗോൾഫ് ക്ലബ്
- സമയം: രാത്രി 8 മണിക്ക് ആരംഭിക്കുന്നു
- തീയതി: ഏപ്രിൽ 4, 2025
ആധുനിക പോപ്പിനും ഈജിപ്ഷ്യൻ സംഗീത പൈതൃകത്തിനും പേരുകേട്ട, അതിവേഗം വളർന്നുവരുന്ന അറബ് പ്രതിഭയായ TUL8TE ഖത്തറിൽ തത്സമയ സംഗീത പരിപാടിക്ക് എത്തുന്നു.
ലുസൈൽ സ്കൈ ഫെസ്റ്റിവൽ
- സ്ഥലം: അൽ സദ്ദ് പ്ലാസ, ലുസൈൽ
- സമയം: വൈകുന്നേരം 4 മുതൽ രാത്രി 10 വരെ
- തീയതി: ഏപ്രിൽ 3 മുതൽ ഏപ്രിൽ 5, 2025
ഈ ഈദ് അൽ ഫിത്തറിന് രാജ്യത്തെ ഏറ്റവും വലിയ ആകാശ കാഴ്ചയ്ക്കായി തയ്യാറെടുക്കുക. എയറോബിക് ടീമുകൾ, 3000 ഡ്രോണുകൾ, സ്കൈറൈറ്റിംഗ്, വെടിക്കെട്ട്, ഡാന അൽ ഫർദാന്റെ ഹാർമോണിക്ക ഓർക്കസ്ട്രയുടെ സംഗീത പ്രകടനം എണ്ണിയെല്ലാം ഇവിടെ ആസ്വദിക്കാം. എല്ലാ സന്ദർശകർക്കും പ്രവേശനം സൗജന്യമാണ്.
ഡിസ്നി ദി മാജിക് ബോക്സ്
- സ്ഥലം: ഖത്തർ നാഷണൽ കൺവെൻഷൻ സെന്റർ (ക്യുഎൻസിസി), അൽ-റയ്യാൻ - അൽ മയസ്സ തിയേറ്റർ
- തീയതി: ഏപ്രിൽ 3 - ഏപ്രിൽ 12, 2025
"ദി മാജിക് ബോക്സ്" പരിപാടിയിൽ പ്രിയപ്പെട്ട ഡിസ്നി കഥാപാത്രങ്ങളും കഥകളും ഖത്തറിലേക്ക് വരുന്നു. "ലെറ്റ് ഇറ്റ് ഗോ (ഫ്രോസൺ)", "എ ഹോൾ ന്യൂ വേൾഡ്" (അലാഡിൻ), "വി ഡോണ്ട് ടോക്ക് എബൗട്ട് ബ്രൂണോ" (എൻകാന്റോ), "സർക്കിൾ ഓഫ് ലൈഫ്" (ദി ലയൺ കിംഗ്), തുടങ്ങിയ ഡിസ്നിയുടെ പ്രിയപ്പെട്ട ഒറിജിനൽ ഗാനങ്ങൾ മാരയുടെ സംഗീത യാത്രയിൽ ഉണ്ടാകും.
സോപ്പി ബബിൾ ലാൻഡ്
- സ്ഥലം: ഒയാസിസ് സ്റ്റേജ്, മാൾ ഓഫ് ഖത്തർ
- സമയം: വൈകുന്നേരം 6 മുതൽ രാത്രി 7:30 വരെ – രാത്രി 8:30 വരെ
- തീയതി: 2025 ഏപ്രിൽ 5 വരെ
അതിശയിപ്പിക്കുന്ന കുമിളകളും ആവേശകരമായ പ്രകടനങ്ങളും ചേർന്ന ഒരു കുടുംബ സൗഹൃദ പരിപാടി. പ്രവേശനം സൗജന്യമാണ്.
ആഘോഷ പെരുന്നാൾ 2025
- സ്ഥലം: ഖത്തർ നാഷണൽ കൺവെൻഷൻ സെന്റർ (ക്യുഎൻസിസി)
- സമയം: വൈകുന്നേരം 7 മണി
- തീയതി: മാർച്ച് 31, 2025
2025 ലെ ആഘോഷ പെരുന്നാൾ ആഘോഷത്തിൽ ഇന്ത്യൻ ചലച്ചിത്ര രംഗത്തെ പ്രമുഖർ, ഗായകർ, വിനോദ പ്രവർത്തകർ എന്നിവരുടെ ആവേശകരമായ പ്രകടനങ്ങൾ ഉണ്ടാകും, കൂടാതെ തത്സമയ സംഗീതം, നൃത്ത പ്രകടനങ്ങൾ, സ്റ്റാൻഡ്-അപ്പ് കോമഡി, പ്രശസ്ത മലയാള ചലച്ചിത്ര താരങ്ങളുടെ അവതരണങ്ങൾ എന്നിവയും ഉണ്ടാകും.
സോൾ ഓഫ് ഗോൾഡ് പ്രദർശനം
- സ്ഥലം: കത്താറ കൾച്ചറൽ വില്ലേജ്, കെട്ടിടം 18
- സമയം: രാവിലെ 10 മുതൽ രാത്രി 10 വരെ
- തീയതി: 2025 ഏപ്രിൽ 6 വരെ
കൾച്ചറൽ വില്ലേജ് ഫൗണ്ടേഷൻ - കത്താറ "സോൾ ഓഫ് ഗോൾഡ്" പ്രദർശനം അവതരിപ്പിക്കുന്നു. തുർക്കി കലാകാരിയായ ഹാറ്റിസ് യെറ്റിഷും അവരുടെ വിദ്യാർത്ഥികളും ഇസ്ലാമിക ഗിൽഡിംഗ് കലയുടെ സൗന്ദര്യശാസ്ത്രത്തെ ആഘോഷിക്കുകയും പരമ്പരാഗത ടർക്കിഷ് ഇസ്ലാമിക ഗിൽഡിംഗിന്റെ സമകാലിക ദർശനം അവതരിപ്പിക്കുകയും ചെയ്യുന്നു., ഓട്ടോമൻ ആധികാരികതയെ ആധുനിക കലാപരമായ സ്പർശനങ്ങളുമായി സംയോജിപ്പിക്കുന്ന 30-ലധികം പെയിന്റിംഗുകൾ അവതരിപ്പിക്കുന്നു.
ഈദ് ബസാർ
- സ്ഥലം: അബു സിദ്ര മാൾ
- സമയം: രാവിലെ 10 മുതൽ 12 വരെ
- തീയതി: ഏപ്രിൽ 5 വരെ
ഈദ് അവശ്യവസ്തുക്കൾ, അടുക്കള ഉപകരണങ്ങൾ മുതൽ വസ്ത്രങ്ങൾ, പാദരക്ഷകൾ തുടങ്ങി പലതും ഇവിടെ ഷോപ്പ് ചെയ്യാം.
പേൾ റമദാൻ ബസാർ
- സ്ഥലം: 2-5 ലാ ക്രോയിസെറ്റ്, പോർട്ടോ അറേബ്യ
- സമയം: ശനി മുതൽ ബുധൻ വരെ: രാത്രി 8 മുതൽ 12 വരെ; വ്യാഴം, വെള്ളി: രാത്രി 8 മുതൽ 1 വരെ
- തീയതി: ഏപ്രിൽ 5 വരെ
ഈ വർഷം പേൾ റമദാൻ ബസാർ മൂന്നാം പതിപ്പിൽ തിരിച്ചെത്തുന്നു. ഷോപ്പിംഗ്, ഫുഡ് കിയോസ്‌ക്കുകൾ, മറ്റ് പ്രവർത്തനങ്ങൾ എന്നിവ ഇവിടെ ആസ്വദിക്കാം.
ഓൾഡ് ദോഹ പോർട്ടിലെ ഈദ് ആഘോഷങ്ങൾ
- സ്ഥലം: മിന ഡിസ്ട്രിക്റ്റ് ആൻഡ് മിന പാർക്കുകൾ, ഓൾഡ് ദോഹ പോർട്ട്
- സമയം: വൈകുന്നേരം 4 മുതൽ രാത്രി 10 വരെ (മിന ഡിസ്ട്രിക്റ്റ്); മെഗാപാർക്ക് കാർണിവൽ റമദാനിൽ വൈകുന്നേരം 4 മുതൽ പുലർച്ചെ 12 വരെയും റമദാനിന് ശേഷം ഉച്ചകഴിഞ്ഞ് 3 മുതൽ രാത്രി 11 വരെയും (മിന പാർക്കുകൾ)
- തീയതി: എട്ട് ദിവസത്തേക്ക് : ഈദ് അൽ ഫിത്തറിന്റെ ആദ്യ ദിവസം ആരംഭിക്കുന്നു
ഓൾഡ് ദോഹ പോർട്ട് സന്ദർശിക്കുന്നവർക്ക് ഈദിന്റെ ആഘോഷം പ്രതിഫലിപ്പിക്കുന്ന സാംസ്കാരിക പ്രകടനങ്ങളും പ്രവർത്തനങ്ങളും ആസ്വദിക്കാം. മിന ഡിസ്ട്രിക്റ്റിലുടനീളമുള്ള വ്യത്യസ്ത കലാകാരന്മാരുടെ തത്സമയ സംഗീതത്തോടൊപ്പം അൽ ബന്ദറിൽ അവതരിപ്പിക്കുന്ന ഒരു പരമ്പരാഗത സമുദ്ര ബാൻഡിന്റെ സംഗീത പരിപാടിയും ആസ്വദിക്കാം.
കുട്ടികൾക്കായുള്ള സംവേദനാത്മക ഷോകൾ, കളിസ്ഥലങ്ങൾ, കുടുംബ സൗഹൃദ പ്രവർത്തനങ്ങൾ, തത്സമയ ഷോകൾ, ഭീമൻ ഇൻഫ്ലേറ്റബിളുകൾ, സംവേദനാത്മക ഗെയിമുകൾ, തെരുവ് ഭക്ഷണ സ്റ്റാളുകൾ, തിരക്കേറിയ ഒരു ബസാർ എന്നിവയും ഇവിടെയുണ്ട്.
കത്താറയിലെ ഈദ്
- സ്ഥലം: കത്താറ കൾച്ചറൽ വില്ലേജ്
- സമയം: വൈകുന്നേരം 4 മുതൽ രാത്രി 11 വരെ
- തീയതി: മാർച്ച് 30 ന് ആരംഭിക്കുന്നു
കത്താറ ഈദിയ, പോലീസ് മ്യൂസിക് ബാൻഡിന്റെ പ്രകടനങ്ങൾ, ഖത്തരി അർദ്ധ നൃത്തം, തെരുവ് കലാ പ്രദർശനങ്ങൾ, ഏഷ്യൻ-ആഫ്രിക്കൻ നാടോടി പ്രകടനങ്ങൾ, കത്താറയിൽ ഒരു റബാബ പ്രകടനം തുടങ്ങിയവ ഇവിടെ ആസ്വദിക്കാം.
ഈ ഈദിൽ നിങ്ങൾ ഖത്തറിൽ ഉണ്ടെകിൽ ഈ ആഘോഷപരിപാടികളിൽ പങ്കെടുത്ത നിങ്ങളുടെ ഈദ് അവിസ്മരണീയമാക്കു. ഈ വര്ഷം നിങ്ങളുടെ ഈദ് പ്രിയപ്പെട്ടവരോടൊപ്പം ആഘോഷിക്കുക, പാരമ്പര്യം സ്വീകരിക്കുക, നിലനിൽക്കുന്ന ഓർമ്മകൾ സൃഷ്ടിക്കുക.
