ഖത്തറിൽ ഈ വരുന്ന ചൊവ്വാഴ്ച (ഏപ്രിൽ 21, 2026) മുതൽ വീക്കെൻഡ് വരെ ഒറ്റപ്പെട്ട മഴയ്ക്ക് സാധ്യതയുണ്ടെന്ന് ഖത്തർ കാലാവസ്ഥാ വകുപ്പ് (QMD) അറിയിച്ചു. വരും ദിവസങ്ങളിൽ രാജ്യത്ത് പൊതുവെ ഭാഗികമായോ പൂർണ്ണമായോ മേഘാവൃതമായ കാലാവസ്ഥയായിരിക്കുമെന്നും അധികൃതർ തങ്ങളുടെ സോഷ്യൽ മീഡിയ പോസ്റ്റിലൂടെ വ്യക്തമാക്കി.
ഇതിനുപുറമെ, നാളെ (തിങ്കളാഴ്ച, ഏപ്രിൽ 20, 2026) മുതൽ കടലിൽ ശക്തമായ കാറ്റിനും ഉയർന്ന തിരമാലകൾക്കും സാധ്യതയുണ്ടെന്ന് കാലാവസ്ഥാ വകുപ്പ് മുന്നറിയിപ്പ് നൽകി. ഈയാഴ്ച മുഴുവൻ ഈ സാഹചര്യം തുടർന്നേക്കാം. കടലിൽ 4 മുതൽ 7 അടി വരെയും, ചില സമയങ്ങളിൽ 11 അടി വരെയും ഉയരത്തിൽ തിരമാലകൾ വീശിയടിക്കാൻ സാധ്യതയുണ്ട്. അതിനാൽ ഈ ദിവസങ്ങളിൽ കടലിൽ ഇറങ്ങരുതെന്നും സമുദ്ര സംബന്ധമായ വിനോദങ്ങളിൽ ഏർപ്പെടുന്നത് ഒഴിവാക്കണമെന്നും അധികൃതർ പൊതുജനങ്ങളോട് കർശനമായി നിർദ്ദേശിച്ചു.
