കായിക ലോകം ഉറ്റുനോക്കുന്ന നാലാമത് ജിസിസി ഗെയിംസിന്റെ (GCC Games – Doha 2026) മത്സരക്രമത്തിന് സംഘാടക സമിതി ഔദ്യോഗികമായി അംഗീകാരം നൽകി. മെയ് 11-ന് ആരംഭിക്കുന്ന ഈ കായിക മാമാങ്കത്തിൽ ആറ് ഗൾഫ് സഹകരണ കൗൺസിൽ (GCC) രാജ്യങ്ങളിൽ നിന്നുള്ള ദേശീയ ടീമുകൾ പങ്കെടുക്കും.
ആകെ 17 കായിക ഇനങ്ങളിലായാണ് ഇത്തവണ മത്സരങ്ങൾ നടക്കുന്നത്. ഹാൻഡ്ബോൾ, ടേബിൾ ടെന്നീസ്, അത്ലറ്റിക്സ്, പാഡൽ, ഫെൻസിങ്, ബോക്സിങ്, തായ്ക്വോണ്ടോ, കരാട്ടെ, നീന്തൽ, ബില്യാർഡ്സ്, സ്നൂക്കർ, 3x3 ബാസ്ക്കറ്റ്ബോൾ, ഷൂട്ടിംഗ്, ആർച്ചറി, വോളിബോൾ, കുതിരസവാരി, ബൗളിംഗ് എന്നിവയാണ് പ്രധാന ഇനങ്ങൾ. അസ്പയർ ഡോം, ഹമദ് അക്വാട്ടിക് സെന്റർ, ലുസൈൽ ഷൂട്ടിംഗ് റേഞ്ച് ഉൾപ്പെടെ ദോഹയിലെ 10 അത്യാധുനിക വേദികളിലായാണ് മത്സരങ്ങൾ അരങ്ങേറുന്നത്.
മെയ് 12-ന് നീന്തൽ, 3x3 ബാസ്ക്കറ്റ്ബോൾ, തായ്ക്വോണ്ടോ മത്സരങ്ങളോടെ പോരാട്ടങ്ങൾ സജീവമാകും. കായിക പ്രേമികൾ ഏറെ കാത്തിരിക്കുന്ന അത്ലറ്റിക്സ് മത്സരങ്ങൾ മെയ് 14-ന് ഖത്തർ സ്പോർട്സ് ക്ലബ്ബിൽ ആരംഭിക്കും. മെയ് 22-ന് നടക്കുന്ന ഹാൻഡ്ബോൾ ഫൈനലോടെയാകും ഗെയിംസിന് തിരശ്ശീല വീഴുക.
