രാജ്യത്തിൻ്റെ ഭക്ഷ്യസുരക്ഷാ സംവിധാനം മെച്ചപ്പെടുത്തുന്നതിനായി തക്കാളി, ബീൻസ്, സ്വീറ്റ് കോൺ എന്നിവയുൾപ്പെടെ വിവിധ ഭക്ഷ്യവിളകളിൽ നിന്നുള്ള 5 ദശലക്ഷം വിത്തുകൾ ഉൾക്കൊള്ളുന്ന ഒരു സമഗ്ര ജീൻ ബാങ്ക് സ്ഥാപിക്കുന്നതിൽ ഖത്തർ ഗണ്യമായ പുരോഗതി കൈവരിച്ചതായി ഒരു മുതിർന്ന ഉദ്യോഗസ്ഥൻ പറഞ്ഞു.
വ്യത്യസ്ത ഭക്ഷ്യവിളകളുടെ വിത്തുകൾ -80 ഡിഗ്രി സെൽഷ്യസ് താപനിലയിൽ ഖത്തർ ജീൻ ബാങ്കിൽ സംഭരിക്കപ്പെടുന്നുവെന്ന് കൃഷി ഗവേഷണ വിഭാഗം ഡയറക്ടർ ഹമദ് സാക്കത്ത് അൽ ഷമ്മാരി വ്യക്തമാക്കി. ഈ പ്രക്രിയയിലൂടെ വിത്തുകൾക്ക് ദീർഘകാല ജീവനശേഷി ലഭിക്കുന്നു.
1,038 വിത്തുകളുടെ ശേഖരമാണ് നിലവിൽ ഖത്തർ ജീൻ ബാങ്കിൽ ഉള്ളത്. പ്രജനനശേഷി ഉൾപ്പെടെയുള്ള വൈവിധ്യമായ നിരവധി ഭക്ഷ്യ, കൃഷി വിളകൾ ഇവിടെ ശേഖരിച്ചിരിക്കുന്നു. ഈ വിളകളുടെ കൃഷി കാലയളവ് ദീർഘിപ്പിക്കുക എന്നതാണ് ഉദ്ദേശ്യമെന്നും സമീപകാലത്ത് ഖത്തർ ടിവിയുമായി നടത്തിയ അഭിമുഖത്തിൽ, അൽ ഷമ്മാരി പറഞ്ഞു.
