വിശുദ്ധ റമദാൻ മാസത്തോടനുബന്ധിച്ച് ഖത്തറിലെ ബാങ്കുകൾ ഉൾപ്പെടെയുള്ള എല്ലാ ധനകാര്യ സ്ഥാപനങ്ങളുടെയും പ്രവൃത്തി സമയത്തിൽ ഖത്തർ സെൻട്രൽ ബാങ്ക് (QCB) മാറ്റം വരുത്തി. റമദാൻ മാസത്തിൽ രാജ്യത്തെ ബാങ്കുകൾ, ഇൻഷുറൻസ് കമ്പനികൾ, മറ്റ് ധനകാര്യ സ്ഥാപനങ്ങൾ എന്നിവ പ്രതിദിനം അഞ്ച് മണിക്കൂർ മാത്രമേ പ്രവർത്തിക്കുകയുള്ളൂ എന്ന് സെൻട്രൽ ബാങ്ക് അറിയിച്ചു.
സെൻട്രൽ ബാങ്കിന്റെ ഉത്തരവ് പ്രകാരം രാവിലെ 9 മണി മുതൽ ഉച്ചയ്ക്ക് 2 മണി വരെയായിരിക്കും ഔദ്യോഗിക പ്രവൃത്തി സമയം. ഉപഭോക്താക്കൾക്കും ജീവനക്കാർക്കും ഒരുപോലെ സൗകര്യപ്രദമാകുന്ന രീതിയിലാണ് ഈ ക്രമീകരണം.
