വിശുദ്ധ റമദാൻ മാസത്തോട് അനുബന്ധിച്ച് യാത്രക്കാരുടെ സൗകര്യാർത്ഥം ദോഹ മെട്രോയുടെയും ലുസൈൽ ട്രാമിൻ്റെയും പ്രവർത്തന സമയങ്ങളിൽ മാറ്റം വരുത്തി. 2026 ഫെബ്രുവരി 18 മുതൽ (റമദാൻ ഒന്ന്) പുതിയ സമയക്രമം നിലവിൽ വരുമെന്ന് അധികൃതർ അറിയിച്ചു.
പുതുക്കിയ സമയക്രമം താഴെ പറയുന്നവയാണ്:
ദോഹ മെട്രോ
- ശനി മുതൽ വ്യാഴം വരെ: രാവിലെ 5:30 മുതൽ പുലർച്ചെ 1:30 വരെ.
- വെള്ളിയാഴ്ച: രാവിലെ 9:30 മുതൽ പുലർച്ചെ 1:30 വരെ.
ലുസൈൽ ട്രാം:
- ശനി മുതൽ വ്യാഴം വരെ: രാവിലെ 5:30 മുതൽ പുലർച്ചെ 2:00 വരെ.
- വെള്ളിയാഴ്ച: ഉച്ചയ്ക്ക് 2:30 മുതൽ പുലർച്ചെ 2:00 വരെ.
റമദാനിലെ വ്രതാനുഷ്ഠാന സമയങ്ങളിൽ യാത്രക്കാർക്കുണ്ടാകുന്ന മാറ്റങ്ങൾ കണക്കിലെടുത്താണ് രാത്രി വൈകുവോളം സർവീസ് നീട്ടിയിരിക്കുന്നത്.
