പൊതു സമാധാനത്തിന് ഭംഗം വരുത്താനിടയാകുന്ന അപകടങ്ങളോ നിയമലംഘനങ്ങളോ തടയാൻ ഈദ് സമയത്ത് സുരക്ഷ ഉറപ്പാക്കാൻ രാജ്യത്ത് റെസ്ക്യൂ പോലീസ് (അൽ ഫസ) പട്രോളിംഗ് വർദ്ധിപ്പിക്കും. പാർക്കുകൾ, മാർക്കറ്റുകൾ, ഷോപ്പിംഗ് മാളുകൾ, വിനോദ സഞ്ചാര കേന്ദ്രങ്ങൾ തുടങ്ങിയ സ്ഥലങ്ങൾക്ക് സമീപം പ്രത്യേക പട്രോളിംഗ് സംവിധാനം ഏർപ്പെടുത്തും. ഈദ് നമസ്കാരം നടക്കുന്ന പള്ളികളിലും ഈദ് ഗാഹുകളിലും സുരക്ഷ ഉറപ്പാക്കാനും ആവശ്യമായ സഹായം നൽകാനും വിവിധ പ്രദേശങ്ങളിൽ പട്രോളിംഗ് ക്രിയാത്മകമാക്കും.
പള്ളികൾക്കും ഈദ് പ്രാർഥനാ മൈതാനങ്ങൾക്കും ചുറ്റുമുള്ള പ്രദേശങ്ങളിലും, കുടിയിറക്ക പ്രദേശങ്ങൾ, വാണിജ്യ സമുച്ചയങ്ങൾ, മാർക്കറ്റുകൾ തുടങ്ങിയ സ്ഥലങ്ങളിലും പോലീസ് പട്രോളിംഗും ട്രാഫിക് ഓഫീസർമാരുടെ സാന്നിധ്യവും വർദ്ധിപ്പിക്കാൻ ആഭ്യന്തര മന്ത്രാലയം ഒരു സമഗ്ര പദ്ധതി തയ്യാറാക്കിയിട്ടുണ്ട്. ഹൈവേകളിലും പ്രധാന റോഡുകളിലും ദിവസം മുഴുവൻ പട്രോളിംഗ് നടത്തും. ഈദ് ആഘോഷങ്ങളുമായി ബന്ധപ്പെട്ട വിനോദ പരിപാടികൾ നടക്കുന്ന സ്ഥലങ്ങളിലും, കോർണിഷ്, ദി പേൾ ഐലൻഡ് തുടങ്ങിയ കൂടുതൽ പൊതുജന സാന്നിധ്യമുള്ള പ്രദേശങ്ങളിലും പട്രോളിംഗും ട്രാഫിക് ഓഫീസർമാരുടെ നിയന്ത്രണവും ഉറപ്പാക്കും. സുരക്ഷിതമായ ഈദ് ആഘോഷം ഉറപ്പാക്കാൻ ശക്തമായ നടപടികൾ സ്വീകരിച്ചിട്ടുണ്ടെന്ന് ഖത്തർ ആഭ്യന്തര മന്ത്രാലയം പ്രഖ്യാപിച്ചു.
