Aspire Park in Doha is perfect for those looking for a quiet retreat after a busy day at work. Here, families can relax in beautiful surroundings or engage in outdoor activities. You can come to Aspire Park to enjoy a picnic with the family or go for an early morning jog.

9.4 ദശലക്ഷം ചതുരശ്ര അടി വിസ്തീർണ്ണമുള്ള ആസ്പയർ പാർക്ക് ദോഹയിലെ ഏറ്റവും വലിയ പാർക്കുകളിൽ ഒന്നാണ്. വിശാലമായ ഗ്രീൻ സ്പെയ്സ്, കുട്ടികൾക്കുള്ള കളിസ്ഥലം, കൃത്രിമ തടാകം തുടങ്ങി നിരവധി ആകർഷണങ്ങളുണ്ട് പാർക്കിന്. മാത്രമല്ല, ആസ്പയർ പാർക്ക് ഖലീഫ ഇന്റർനാഷണൽ സ്റ്റേഡിയം, ടോർച്ച് ദോഹ തുടങ്ങിയ നഗരത്തിലെ മികച്ച കായിക സൗകര്യങ്ങളാൽ ചുറ്റപ്പെട്ടിരിക്കുന്നു. പാർക്ക് സന്ദർശിച്ച ശേഷം, നിങ്ങൾക്ക് ഹയാത്ത് പ്ലാസ, വില്ലാജിയോ മാൾ തുടങ്ങിയ അടുത്തുള്ള ഷോപ്പിംഗ് മാളുകളിലേക്കും പോകാം.

എത്തിച്ചേരേണ്ട വിധം

പൊതുഗതാഗത സൗകര്യങ്ങളും സൗകര്യപ്രദമായ സ്ഥലവും കാരണം ആസ്പയർ പാർക്കിൽ എത്തിച്ചേരുന്നത് എളുപ്പമാണ്. ദോഹ മെട്രോ, ടാക്സികൾ അല്ലെങ്കിൽ മറ്റ് പൊതുഗതാഗത മാർഗ്ഗങ്ങൾ വഴി ഈ പാർക്കിൽ എത്തിച്ചേരാം.

ബസ് : പാർക്കിന്റെ പ്രവേശന കവാടത്തിനടുത്ത് നിരവധി ബസ് റൂട്ടുകൾ ഉണ്ട്. ചില ജനപ്രിയ സർവീസ് ലൈനുകൾ ബസ് 301, ബസ് 31, 32, 41, എന്നിവയാണ്.

കർവ ടാക്സി: സ്വകാര്യവുമായ യാത്രയ്ക്ക് ഒരു കർവ ക്യാബ് തിരഞ്ഞെടുക്കാം. ദോഹയിൽ, കർവ ടാക്സികൾ എളുപ്പത്തിൽ ലഭ്യമാണ്, നിങ്ങൾക്ക് തെരുവുകളിൽ നിന്നും ടാക്സി പിടിക്കാം അല്ലെങ്കിൽ വേഗത്തിലുള്ള ബുക്കിംഗിനായി കർവ ആപ്പ് ഉപയോഗിക്കാം. ഈ ടാക്സികൾ പാർക്ക് പ്രവേശന കവാടത്തിൽ തന്നെ നിങ്ങളെ ഇറക്കും.

ദോഹ മെട്രോ: ഗോൾഡ് ലൈനിലെ അൽ അസീസിയയാണ് ആസ്പയർ പാർക്കിന് ഏറ്റവും അടുത്തുള്ള മെട്രോ സ്റ്റോപ്പ്

ആസ്പയർ പാർക്കിന്റെ പ്രത്യേകതകൾ

പ്രകൃതി സ്നേഹികൾക്കും ഫിറ്റ്നസ് ഫ്രീക്കുകൾക്കും ഒരുപോലെ ആക്ഷകമാകുന്ന നിരവധി കാര്യങ്ങൾ ആസ്പൈർ പാർക്കിലുണ്ട്. അവയിൽ ചിലതിനെ കുറിച്ച് കൂടുതൽ വായിക്കാം

വിശാലമായ ഗ്രീൻ സ്പേസസ്

ദോഹയിലെ ഏറ്റവും വലിയ ഹരിത പ്രദേശങ്ങളിലൊന്നായ ആസ്പയർ പാർക്ക് 880,000 ചതുരശ്ര മീറ്റർ വിസ്തൃതിയിൽ വ്യാപിച്ചുകിടക്കുന്നു. വിശാലമായ പുല്ലും മനോഹരമായ പൂന്തോട്ടങ്ങളും തണൽ പ്രദേശങ്ങളും ഇവിടെയുണ്ട്. നഗരമധ്യത്തിൽ നിന്ന് നടക്കാവുന്ന ദൂരത്തിനുള്ളിൽ, വിശ്രമിക്കുന്നതിനും സൈക്ലിംഗ്, ജോഗിംഗ് അല്ലെങ്കിൽ കുടുംബ പിക്നിക്കുകൾക്കും ഇത് അനുയോജ്യമാണ്.

ഖത്തറിലെ ഏക തടാകം

362,744 ചതുരശ്ര അടി വിസ്തീർണ്ണമുള്ള ഖത്തറിലെ ഏക തടാകമാണ് ആസ്പയർ പാർക്കിലേത്. താറാവുകൾക്ക് തീറ്റ നൽകാനോ ശാന്തമായ അന്തരീക്ഷം ആസ്വദിക്കാനോ കഴിയുന്ന ഒരു ഇടമാണിത്. ചുറ്റുമുള്ള പച്ചപ്പ് തടാകത്തിന്റെ ശാന്തമായ സൗന്ദര്യത്തിന് കൂടുതൽ ഭംഗി നൽകുന്നു, ഇത് സന്ദർശകർക്ക് ഒരു ജനപ്രിയ സ്ഥലമാക്കി മാറ്റുന്നു.

വിദേശ മരങ്ങൾ

സ്വദേശ, വിദേശ മരങ്ങൾ ആസ്പയർ പാർക്ക് നിറഞ്ഞിരിക്കുന്നു. മൂർച്ചയുള്ള പുറംതൊലിക്കും തിളക്കമുള്ള പിങ്ക് പൂക്കൾക്കും പേരുകേട്ട അപൂർവ ഫ്ലോസ് സിൽക്ക് മരവും ഇതിൽ ഉൾപ്പെടുന്നു. ഖത്തറിലെ ഏറ്റവും ചൂടേറിയ മാസങ്ങളിൽ പോലും, മരങ്ങളുടെ തണൽ കാരണം പാർക്ക് പ്രകൃതി സ്നേഹികളുടെ പ്രിയപ്പെട്ട ഇടമാണ്.

വിനോദ, ഫിറ്റ്നസ് സൗകര്യങ്ങൾ

ദോഹയിലെ പ്രശസ്തമായ ചില കായിക സൗകര്യങ്ങൾ ഹമദ് അക്വാട്ടിക് സെന്റർ, ആസ്പയർ ഡോം, ഖലീഫ സ്റ്റേഡിയം എന്നിവ ആസ്പയർ പാർക്കിന് സമീപമാണ്. വ്യായാമത്തിനും വിനോദത്തിനും വേണ്ടി രൂപകൽപ്പന ചെയ്തിട്ടുള്ള പാർക്ക് ഒരു ജനപ്രിയ ഹാങ്ഔട് സ്പോട്ടാണ്. കൂടാതെ, മികച്ച കായിക സൗകര്യങ്ങളുള്ള ഈ പാർക്ക് 2006 ലെ ഏഷ്യൻ ഗെയിംസിന് ആതിഥേയത്വം വഹിച്ചതിന് പ്രശസ്തമാണ്.

കളിസ്ഥലങ്ങൾ

ആസ്പയർ പാർക്കിലെ കളിസ്ഥലങ്ങളും ബൈക്ക് പാതകളും കുട്ടികൾക്ക് ഇഷ്ടപ്പെടും. കൂടാതെ, പാഡിൽ ബോട്ടിംഗ് അല്ലെങ്കിൽ കോയി മത്സ്യം കാണൽ എന്നിവയും ആസ്വദിക്കാം. തൊട്ടടുത്തുള്ള കിഡ്‌സാനിയ, റോൾ പ്ലേയിംഗ് ആക്ടിവിറ്റീസുകൾ നൽകുമ്പോൾ, ചൂടുള്ള ദിവസങ്ങളിൽ പാർക്കിലെ സ്പ്ലാഷ് ഫൗണ്ടനുകൾ ഒരു ആശ്വാസമാണ്.

ജോഗിംഗ് ആൻഡ് സ്കേറ്റ്പാർക്ക്

ഓട്ടത്തിനും നടത്തത്തിനും അനുയോജ്യമായ 1.6 കിലോമീറ്റർ റബ്ബറൈസ്ഡ് ട്രാക്ക് ഉള്ളതിനാൽ ആസ്പയർ പാർക്ക് ജോഗർമാർക്കിടയിൽ പ്രശസ്ഥമാണ്. കൂടാതെ, വാർഷിക ഓട്ടമത്സരങ്ങൾ, ഫിറ്റ്നസ് മത്സരങ്ങൾ, പ്രതിമാസ വ്യായാമ കോഴ്സുകൾ എന്നിവയുമുണ്ട്. സ്കേറ്റിംഗ് ഇഷ്ട്ടപെടുന്നവർക്ക്, വിശാലമായ ഫ്ലോ ബൗൾ നിങ്ങളുടെ കഴിവുകൾ പ്രദർശിപ്പിക്കുന്നതിന് അനുയോജ്യമായ വേദിയാണ്.