ഖത്തറിലെ ജീവിതം is a blend of modernity and cultural tradition. Cities are equipped with the most modern infrastructure. And all efforts are underway to transform the country into a modern global hub. It is a country where heritage, traditions, and culture coexist with the modern city.

ഖത്തറിലെ ജീവിതം

സൗകര്യപ്രദമായ ജീവിതശൈലി

ഖത്തറിലെ ജീവിതം സുഖസൗകര്യങ്ങളെ അടിസ്ഥാനമാക്കിയുള്ളതാണ്. ലോകത്തിലെ ഏറ്റവും സുരക്ഷിതമായ രാജ്യങ്ങളിലൊന്നാണിത്. കൂടാതെ മിഡിൽ ഈസ്റ്റിലെ ഏറ്റവും ഉയർന്ന റാങ്കുള്ള ആരോഗ്യ സംരക്ഷണ സംവിധാനവും ഇവിടെയുണ്ട്. പൗരന്മാർക്ക് മാത്രമല്ല മറ്റു രാജ്യങ്ങളിൽ നിന്നും വന്നവർക്കും ഈ മെഡിക്കൽ സൗകര്യങ്ങൾ ഉപയോഗിക്കാൻ കഴിയും. ആധുനിക മെഡിക്കൽ സൗകര്യങ്ങൾ, ആഡംബര താമസസൗകര്യം, കാര്യക്ഷമമായ ക്ഷേമ സേവനങ്ങൾ എന്നിവയുൾപ്പെടെ ക്ഷേമവും സുരക്ഷയും ഉറപ്പുനൽകുന്ന വൈവിധ്യമാർന്ന സൗകര്യങ്ങളോടെ, ഖത്തറിലെ നിവാസികൾ ഉയർന്ന ജീവിത നിലവാരം ആസ്വദിക്കുന്നവരാണ്.

ഒരു കോസ്‌മോപൊളിറ്റൻ നഗരം

ദോഹയിലെ ജനസമൂഹം സഹകരണം, അനുകമ്പ, സഹിഷ്ണുത, കാരുണ്യം എന്നീ മൂല്യങ്ങളുടെ മാതൃകകളാണ്. ഖത്തറിന് പുറത്തുനിന്നുള്ള പ്രവാസികളാണ് ജനസംഖ്യയുടെ ഭൂരിഭാഗവും. വ്യത്യസ്ത രാജ്യങ്ങളിൽ നിന്നും സംസ്കാരങ്ങളിൽ നിന്നും മതങ്ങളിൽ നിന്നുമുള്ള ആളുകളെ സ്വാഗതം ചെയ്യുന്ന ഒരു സമൂഹത്തിൽ, എല്ലാവർക്കും തങ്ങളുടെ നാട്ടിലെപോലെ തന്നെ സ്വീകാര്യതയും പിന്തുണയും ഖത്തർ ജനത ഉറപ്പാക്കുന്നു.

ഖത്തറിൽ നിന്നും ലോകത്തിലേക്ക്

ലോകത്തിലെ ഏറ്റവും സമ്പന്നവും അതിവേഗം വികസിച്ചുകൊണ്ടിരിക്കുന്നതുമായ പ്രദേശങ്ങളിലൊന്നിന്റെ ഹൃദയഭാഗത്താണ് ഖത്തർ സ്ഥിതി ചെയ്യുന്നത്. കൂടാതെ ഏഷ്യ, യൂറോപ്പ്, ആഫ്രിക്ക മാർക്കറ്റുകളിലേക്കും സൗകര്യപ്രദമായ എൻട്രി സാധ്യമാക്കുന്നു. നിങ്ങൾ ബിസിനസ്സിനോ, കുടുംബത്തിനോ, വിനോദത്തിനോ വേണ്ടി യാത്ര ചെയ്യുകയാണെങ്കിലും, ലോകത്തിലെ ഏറ്റവും വേഗത്തിൽ വളരുന്ന എയർലൈൻ നെറ്റ്‌വർക്കുകളിൽ ഒന്നായ ഖത്തർ എയർവേയ്‌സിന്റെ ആസ്ഥാനമായ ഹമദ് അന്താരാഷ്ട്ര വിമാനത്താവളത്തിലൂടെ നിങ്ങൾക്ക് ലോകത്തിലെവിടേക്കും യാത്ര ചെയ്യാനാകും.

അവസരങ്ങളുടെ നാട്

ഖത്തർ ഒരു വികസിത ഒരു രാജ്യമാണ്, അവിടെ പുതിയ മുന്നേറ്റങ്ങളും വികസനങ്ങളും എല്ലാ ദിവസവും പുതിയ അവസരങ്ങൾ നൽകുന്നു. ഖത്തർ നാഷണൽ വിഷൻ 2030 രാജ്യത്തിന്റെ വികസനത്തിലേക്കുള്ള പാതയായാണ് കണക്കാക്കുന്നത്.

സംസ്‌കാരത്തിന്റെയും പാരമ്പര്യത്തിന്റെയും ഒരു ആധുനിക കേന്ദ്രം

ആഗോള ആധുനികതയെ സ്വീകരിക്കുന്നതിനൊപ്പം പ്രാദേശിക കലയെയും സംസ്‌കാരത്തെയും പ്രോത്സാഹിപ്പിക്കുന്നത്തിലും ഖത്തർ മുന്നിൽ നിൽക്കുന്നു. മ്യൂസിയങ്ങൾ, ആർട്ട് ഗാലറികൾ, സംഗീത, പൈതൃക കേന്ദ്രങ്ങൾ തുടങ്ങിയ വ്യത്യസ്ത സാംസ്കാരികവും കലാപരവുമായ സ്ഥാപനങ്ങൾ ഖത്തറിലുണ്ട്. അവ ഖത്തറി ചരിത്രവും ഇസ്ലാമിക പാരമ്പര്യവും പ്രദർശിപ്പിക്കുക മാത്രമല്ല, എല്ലാവരിലും കലയെയും സർഗ്ഗാത്മകതയെയും കുറിച്ചുള്ള ജിജ്ഞാസ വളർത്തുകയും ചെയ്യുന്നു.

ഖത്തർ സംസ്കാരവും പാരമ്പര്യവും

ഖത്തറിലെ ഏറ്റവും മനോഹരവും വ്യത്യസ്തവുമായ പള്ളികൾ

ലോകത്തിലെ ഏറ്റവും മനോഹരവും വാസ്തുവിദ്യാപരമായി പ്രശസ്തവുമായ ചില പള്ളികൾ ഖത്തറിലുണ്ട്. അതിശയിപ്പിക്കുന്ന ഗ്ലാസ് മൊസൈക്കുകൾ, അതിമനോഹരമായ ഇസ്ലാമിക് സെറാമിക്, മനോഹരമായ മാർബിൾ എന്നിവയാൽ, ഖത്തറിലെ പള്ളികൾ സന്ദർശകരെ മറ്റേതുമില്ലാത്തവിധം സമാധാനപരവും ആത്മീയവും സാംസ്കാരികവുമായ ഒരു യാത്രയിലേക്ക് കൊണ്ടുപോകുന്നു.

ഈന്തപ്പഴ കൃഷി

അറേബ്യൻ ഉപദ്വീപിലെ ഏറ്റവും പഴക്കം ചെന്ന വൃക്ഷങ്ങളിലൊന്നായ ഈന്തപ്പനകളാണ് ഖത്തറിൽ വളരുന്ന പ്രധാന ഫലവൃക്ഷങ്ങൾ. ലോകത്തിലെ പതിനാറാമത്തെ ഏറ്റവും വലിയ ഈത്തപ്പഴം ഉത്പാദിപ്പിക്കുന്ന രാജ്യമാണ് ഖത്തർ. അറബി കാപ്പിയും ഈത്തപ്പഴവും വിളമ്പുന്നത് ഖത്തറിലെ അതിഥി സൽക്കാരത്തിൽ സാദാരണമാണ്. ഖത്തറിന്റെ ആദ്യകാല സംസ്കാരത്തിനും സമ്പദ്‌വ്യവസ്ഥയ്ക്കും ഈത്തപ്പഴ കൃഷിക്ക് ഏറെ പ്രാധാന്യമുണ്ട്.

അറബിക് കാപ്പി

പരമ്പരാഗത അറബിക് കാപ്പി വിളമ്പുന്നത് ഖത്തറിൽ ആതിഥ്യമര്യാദയുടെയും സ്വാഗതത്തിന്റെയും പ്രകടനമായി ഒരു പ്രത്യേക പങ്ക് വഹിക്കുന്നു. പുതുതായി പൊടിച്ച് ഏലയ്ക്കയും മറ്റ് സുഗന്ധവ്യഞ്ജനങ്ങളും ചേർത്ത്, കൈപ്പിടികളില്ലാത്ത ചെറിയ കപ്പുകളിൽ വ്യത്യസ്തമായ ആകൃതിയിലുള്ള ഒരു കലത്തിൽ (ഡള്ള എന്ന് വിളിക്കപ്പെടുന്ന) നിന്നാണ് കാപ്പി വിളമ്പുന്നത്.

ഊദ്

'ലിക്വിഡ് ഗോൾഡ്' എന്നും അറിയപ്പെടുന്ന ഊദ്, തെക്കുകിഴക്കൻ ഏഷ്യയിൽ കാണപ്പെടുന്ന ഒരു ഇനമായ അഗർ (അക്വിലേറിയ) മരത്തിൽ കാണപ്പെടുന്ന അപൂർവമായ ഇരുണ്ട റെസിനിൽ നിന്നാണ് നിർമ്മിക്കുന്നത്. മിഡിൽ ഈസ്റ്റിലും ഏഷ്യയിലും ആയിരക്കണക്കിന് വർഷങ്ങളായി ഉപയോഗിച്ചിരുന്ന ഊദ് ഇന്ന് ലോകമെമ്പാടും പ്രചാരത്തിലുണ്ട്, നിരവധി ജനപ്രിയ 'ഓറിയന്റൽ' പെർഫ്യൂമുകളിൽ ഇത് ഉപയോഗിക്കുന്നുണ്ട്.

പേൾസ്

നൂറ്റാണ്ടുകളായി, ഖത്തറിന്റെ ഒരു പ്രധാന കയറ്റുമതിയായിരുന്നു പേൾസ്. രാജ്യത്തിന്റെ സമ്പദ്‌വ്യവസ്ഥ വളരെക്കാലം മുമ്പുതന്നെ വികസിച്ചിട്ടുണ്ടെങ്കിലും, ഖത്തർ ഇപ്പോഴും പേളിനോട് ഒരു അടുപ്പം നിലനിർത്തുന്നു. സന്ദർശകർക്ക് രാജ്യത്തുടനീളമുള്ള മികച്ച ചില്ലറ വ്യാപാരികളിൽ യഥാർത്ഥ പേൾ ആഭരണങ്ങളുടെ വാങ്ങാൻ സാധിക്കും. മികച്ച ഡീലുകൾക്കായി, ദോഹയിലെ സൂഖ് വാഖിഫിലേക്കും ഗോൾഡ് സൂക്കിലേക്കും സന്ദർശിക്കാം.