300 കളിക്കാർ ഉൾപ്പെടെ ലോകത്തിലെ പ്രമുഖ ഗ്രാൻഡ്മാസ്റ്റർമാരെ ഉൾപ്പെടുത്തി ഡിസംബർ 2 മുതൽ 12 വരെ നാലാം എഡിഷൻ ഖത്തർ മാസ്റ്റേഴ്സ് അന്താരാഷ്ട്ര ഓപ്പൺ ടൂർണമെന്റിന് ദോഹ വേദിയാകുമെന്ന് ഖത്തർ ചെസ് അസോസിയേഷൻ (QCA) അറിയിച്ചു.
ലോകത്തെ മുൻനിര ചെസ് ടൂർണമെന്റുകളിൽ ഒന്നായി പരിഗണിക്കപ്പെടുന്ന ഈ ഇവന്റിൽ, $108,000 (ഏകദേശം ₹89 ലക്ഷം) രൂപ പാരിതോഷികമായി വാഗ്ദാനം ചെയ്യുന്നു. ഈ ടൂർണമെന്റിനുള്ള എല്ലാ ഒരുക്കങ്ങളും പൂർത്തിയായിട്ടുണ്ടെന്ന് ഇന്നലെ നടന്ന പത്രസമ്മേളനത്തിൽ സംഘാടകർ സ്ഥിരീകരിച്ചു.
25 രാജ്യങ്ങളിൽ നിന്നുള്ള കളിക്കാർ ടൂർണമെന്റിൽ പങ്കെടുക്കുമെന്നും, 2014, 2015, 2023 വർഷങ്ങളിലെ വിജയകരമായ എഡിഷനുകൾക്ക് ശേഷം ഈ ടൂർണമെന്റ് മടങ്ങിയെത്തുന്നതായും QCA പ്രസിഡന്റ് മുഹമ്മദ് അൽ മുദ്ധാഹ്ക അറിയിച്ചു.
ഈ വർഷം ഇന്ത്യയിൽ നിന്ന് ഏറ്റവും വലിയ പ്രതിനിധികളായ 110 കളിക്കാർ പങ്കെടുക്കുന്നതായും പ്രസിഡന്റ് അറിയിച്ചു.
