ഖത്തർ ട്രാവൽ മാർട്ട് 2024 ൻ്റെ മൂന്നാം പതിപ്പ് ദോഹ എക്‌സിബിഷൻ ആൻഡ് കൺവെൻഷൻ സെൻ്ററിൽ (ഡിഇസിസി) ആരംഭിച്ചു. മൂന്ന് ദിവസങ്ങളിലായി നടക്കുന്ന പരിപാടി ഇന്നലെ (നവംബർ 25) മുതലാണ് ആരംഭിച്ചത്.
പ്രധാനമന്ത്രിയും വിദേശകാര്യ മന്ത്രിയുമായ ഷെയ്ഖ് മുഹമ്മദ് ബിൻ അബ്ദുൾറഹ്മാൻ അൽതാനിയുടെ നേതൃത്വത്തിൽ നടക്കുന്ന നെക്സ്റ്റ്ഫെയർസ് (NeXTfairs) സംഘടിപ്പിക്കുന്ന ഈ പരിപാടി അന്താരാഷ്ട്ര യാത്രാ, ടൂറിസം മേഖലയിൽ ഖത്തറിൻ്റെ പുരോഗതിയ്ക്ക് സഹായകമാകുന്നു.
ഈ വർഷത്തെ പരിപാടിയുടെ പ്രമേയം "പ്രദേശങ്ങൾ, ആളുകൾ, സംസ്‌കാരങ്ങൾ എന്നിവ കണ്ടെത്തുക" എന്നതാണ്. 60 രാജ്യങ്ങളിൽ നിന്നുള്ള 300-ൽ പരം പ്രദർശകരാണ് പരിപാടിയിൽ പങ്കെടുക്കുന്നത്.
ടൂറിസം, ഹോസ്പിറ്റാലിറ്റി മേഖലകളിലെ നവീകരണത്തിനും സഹകരണത്തിനും ഇത്തരം ഒത്തുചേരലുകളുടെ പ്രാധാന്യത്തെക്കുറിച്ച് കത്താറ ഹോസ്പിറ്റാലിറ്റി സിഇഒ നാസർ മതർ അൽ കവാരി അഭിപ്രായപ്പെട്ടു.
“ക്യുടിഎം 202 സ്ഥാപക പങ്കാളിയായി പങ്കെടുക്കുന്നതിൽ കത്താറ ഹോസ്പിറ്റാലിറ്റി അഭിമാനിക്കുന്നു. ഈ പരിപാടി സ്വാധീനമുള്ള നേതാക്കളെയും സർഗ്ഗാത്മക മനസ്സുകളെയും ഒന്നിപ്പിച്ച് നവീകരണത്തിനും വ്യവസായ നേതൃത്വത്തിനും ഊന്നൽ നൽകാൻ സഹായിക്കുന്നു ”അദ്ദേഹം പറഞ്ഞു.
ഏകദേശം 12,000 സന്ദർശകരെയാണ് പരിപാടിയോടനുബന്ധിച്ച് പ്രതീക്ഷിക്കുന്നത്. മുൻ പതിപ്പുകളെ അപേക്ഷിച്ച് ക്യുടിഎം 2024 സ്കെയിലിൽ ഗണ്യമായ വർദ്ധനവ് എടുത്തുകാണിക്കുന്നു.
