2024 നവംബർ 12 മുതൽ 14 വരെ ദോഹ എക്സിബിഷൻ ആൻഡ് കോൺവെൻഷൻ സെന്ററിൽ വെച്ച് ഖത്തർ ടൂറിസത്തിന്റെ സഹകരണത്തോടെ സംഘടിപ്പിച്ച ഹോസ്പിറ്റാലിറ്റി ഖത്തർ എക്സിബിഷൻ വലിയ വിജയത്തോടെയാണ് അവസാനിച്ചത്. 12,000-ത്തിലധികം സന്ദർശകരാണ് ഇവന്റിൽ പങ്കെടുത്തത്.
ഖത്തറിലെ ഹോസ്പിറ്റാലിറ്റി, ഹോട്ടൽ, റെസ്റ്റോറന്റുകൾ, കഫെകൾ (HORECA) വ്യവസായങ്ങൾക്കുള്ള പ്രീമിയം ഇവന്റായി ഈ എക്സിബിഷൻ മാറി. 20-ലധികം രാജ്യങ്ങളിൽ നിന്നുള്ള 120-ലധികം വിതരണക്കാരും സേവനദാതാക്കളും വൈവിധ്യമാർന്ന ഉൽപ്പന്നങ്ങളും സേവനങ്ങളും പ്രദർശിപ്പിച്ചു.
ഇവന്റിലൂടെ ഖത്തറിലെ കമ്പനികൾ അന്താരാഷ്ട്രവും പ്രാദേശികവുമായ പങ്കാളികളുമായി പരസ്പര പങ്കാളിത്തങ്ങൾ സ്ഥാപിച്ചു. ഇത് നൂതനമായ ടൂറിസം പദ്ധതികൾക്ക് വഴിയൊരുക്കുകയും ഖത്തറിൻ്റെ ഹോസ്പിറ്റാലിറ്റി മേഖലയുടെ വളർച്ചയെ സഹായിക്കുകയും ചെയ്യും.
